Properties
- Form
- kafsula
- Dosage mg
- 2000
- Pack
- 30
What is it?
შემადგენლობა: 1 კაფსულა შეიცავს: D3 ვიტამინი-50მკგ (2000სე). დამხმარე ნივთიერებები: შემავსებელი-სოიოს რაფინირებული ზეთი, კაფსულის გარსი (ჟელატინი, გლიცერინი), დაწმენდილი წყალი. არ შეიცავს გმო-ს.DetriX 2000 დიეტური დანამატი-თითოეული კაფსულა შეიცავს 2000სე D3 ვიტამინს.ჩვენება: რეკომენდებულია დიეტის დროს, როგორც D3 ვიტამინის დამატებითი წყარო. აუმჯობესებს ძვლოვანი ქსოვილის ფორმირებას, ზრდის ძვლის სიმკვრივეს, ხელს უწყობს კუნთოვანი, იმუნური და რეპროდუქციული სისტემის გამართულ ფუნქციონირებას. გამოყენებამდე რეკომენდებულია მკურნალი ექიმთან კონსულტაცია. საჭიროა გაეცნონ შეფუთვაზე მითითებულ ინფორმაციას და თანდართულ საინფორმაციო ბროშურას. D ვიტამინის ძირითადი ფიზიოლოგიური ფუნქცია კალციუმისა და ფოსფატების ცვლის რეგულირება, რაც ხელს უწყობს ძვლის ქსოვილის ნორმალურ მინერალიზაციას და ზრდას. ქოლეკალციფეროლი ხელს უწყობს საკვებიდან კალციუმის და ფოსფორის ათვისებას და წვრილ ნაწლავში შეწოვას, ასევე სისხლში კალციუმის შესაბამისი დონის შენარჩუნებას. სისხლში კალციუმის იონების ფიზიოლოგიური კონცენტრაციისას შენარჩუნებულია კუნთების ტონუსი, მიოკარდიუმის ფუნქცია, ზემოქმედებს სისხლის შედედების პროცესზე, ხელს უწყობს ნერვული იმპულსების ნორმალურ გადაცემას და სეროტონინის-,,ბედნიერების ჰორმონის” სინთეზს, რაც უზრუნველყოფს ნორმალურ ფსიქოემოციურ მდგომარეობას. ძვლის კალციფიკაციის პროცესში ეს ვიტამინი არეგულირებს კალციუმის და ფოსფატების გამოყოფას თირკმელებით. D ვიტამინი მნიშვნელოვანია პარათირეოიდული ჯირკვლის ნორმალური მუშაობისთვის. D ვიტამინის დეფიციტი ოსტეომალაციის ერთ-ერთი მიზეზია. ასევე, მონაწილეობს იმუნური სისტემის ფუნქციონირებაში-არეგულირებს იმუნურ რეაქციებს, ამცირებს გაციებას, მათ შორის ვირუსული გენეზის. ქალებში D ვიტამინის დეფიციტი იწვევს რეპროდუქციული ფუნქციის-ფოლიკულოგენეზის დარღვევას, ენდომეტრიოზს, პოლიკისტოზურ სინდრომს, ინ ვიტრო განაყოფიერების წარუმატებელ მცდელობებს. მენოპაუზის პერიოდში ჰორმონალური დისბალანსის გამო იზრდება ორგანიზმის მოთხოვნილება D ვიტამინზე ოსტეოპოროზის რისკის შესამცირებლად. ორსულ ქალებში აღმოჩენილია კავშირი D ვიტამინის უკმარისობასა და პრეეკლამფსიის, ასევე ნაადრევი მშობიარობის რისკების ზრდას შორის. მამაკაცებში ქოლეკალციფეროლი მოქმედებს სპერმატოგენეზზე. D ვიტამინი, ასევე მონაწილეობს ენდოკრინული სისტემის მუშაობაში-ასტიმულირებს პანკრეასის ბეტა უჯრედების მიერ ინსულინის გამოყოფას, მოქმედებს უჯრედების ინსულინის მიმართ მგრძნობელობაზე. ორგანიზმში არეგულირებს მეტაბოლურ პროცესებს-მოქმედებს ლიპიდების პროფილზე, აქვეითებს სისხლში ქოლესტერინის, ტრიგლიცერიდების და LDL-ს (დაბალი სიმკვრივის ლიპოპოროტეინების) დონეს. მნიშვნელოვან როლს ასრულებს სიმსუქნისა და მეტაბოლური სინდრომის კორექციაში.უკუჩვენება: ინდივიდუალური მგრძნობელობა პრეპარატის კომპონენტების მიმართ. არ გამოიყენება 18 წლამდე ასაკის ბავშვებში.სიფრთხილის ზომები: დაუშვებელია მითითებული რეკომენდებული ყოველდღიური დოზის გადაჭარბება. არ უნდა მოხდეს მისი გამოყენება სრულფასოვანი კვების რაციონის შემცვლელად.ორსულ და ლაქტაციის პერიოდში მყოფ ქალებში გამოიყენება მხოლოდ ორგანიზმში D3 ვიტამინის დონის განსაზღვრისა და ექიმთან კონსულტაციის შემდეგ.მიღების წესი და დოზები: მოზრდილები-ერთი კაფსულა დღეში ერთხელ. მიიღება ჭამის დროს, საკმარისი რაოდენობის წყალთან ერთად. დაუღეჭავად. გამოყენებამდე რეკომენდებულია ექიმთან კონსულტაცია.კურსის ხანგრძლივობა: 10 კვირა. განმეორებითი კურსის ხანგრძლივობა უნდა შეთანხმდეს მკურნალ ექიმთან.შესაძლო გვერდითი მოვლენები: ნებისმიერი გვერდითი მოვლენის განვითარების შემთხვევაში, უნდა მიემართოს მკურნალ ექიმს ან ფარმაცევტს.ვარგისიანობის ვადა: გამოშვების თარიღიდან 2 წელი.შენახვის წესი: ინახება მშრალ, ტენისგან დაცულ და ბავშვებისათვის მიუწვდომელ ადგილას, არაუმეტეს 30C ტემპერატურაზე.
.png)
