Properties
- Form
- tableti
- Dosage mg
- 25
- Pack
- 100
What is it?
შემადგენლობა: ყოველი ტაბლეტი შეიცავს: აქტიური ნივთიერება: ლევოთიროქსინი ნატრიუმი 25მკგ/50მკგ/75მკგ/100მკგ/125/მკგ/150მკგჩვენებები: ეუთიროქსი 25-150მკგ: ეუთიროიდული ჩიყვის მკურნალობა; ეუთიროიდული ჩიყვის ოპერაციული მკურნალობის შემდგომი რეციდივის პროფილაქტიკა ოპერაციის შემდგომი ჰორმონული სტატუსის შესაბამისად; ჰიპოთირეოზის ჩანაცვლებითი თერაპია; ფარისებრი ჯირკვლის კიბოს სუპრესიული თერაპია.ეუთიროქსი 25-100მკგ: ჰიპერთირეოზის ანტითიროიდული საშუალებებით მკურნალობის თანმხლები ჩანაცვლებითი თერაპია.ეუთიროქსი 100-150მკგ: დიაგნოსტიკური საშუალება თიროიდული სუპრესიის ტესტის დროს.უკუჩვენებები: ჰიპერმგრძნობელობა მედიკამენტის შემადგენელი აქტიური ან ნებისმიერი დამხმარე ნივთიერების მიმართ; თირკმელზედა ჯირკვლის უკმარისობის, ჰიპოფიზის უკმარისობისა და თირეოტოქსიკოზის არანამკურნალები შემთხვევები; არ არის რეკომენდებული მედიკამენტის გამოყენება მიოკარდიუმის მწვავე ინფარქტის, მწვავე მიოკარდიტის და მწვავე პანკრეატიტის არსებობის დროს; არ არის რეკომენდებული ლევოთიროქსინისა და ანტითიროიდული საშუალებების გამოყენება ჰიპერთირეოზის სამკურნალოდ ორსულობის პერიოდში.გამოყენება ორსულობისა და ლაქტაციის პერიოდში: ორსულობისა და, განსაკუთრებით, ლაქტაციის პერიოდში ლევოთიროქსინით მკურნალობა უნდა გაგრძელდეს. ორსულობის დროს შესაძლოა საჭირო გახდეს დოზის გაზრდა. რამდენადაც სისხლის შრატში TSH დონის მატება შეიძლება მოხდეს უკვე ორსულობის მეოთზე კვირას, ორსულებისთვის, რომლებიც ღებულობენ ლევოთიროქსინს, რეკომენდებულია შეამოწმდეს TSH დონე ყოველ ტრიმესტრში, იმაში დასარწმუნებლად, რომ სისხლის შრატში TSH მნიშვნელობა არ სცდება ტრიმესტრ-სპეციფიკურ ნორმალურ მაჩვენებლებს ორსულობისას.დოზირება და გამოყენების წესი: მიღების წესი: სადღეღამისო დოზა შეიძლება მიღებულ იქნას ერთჯერადად. შიგნით მიღება: ერთჯერადი სადღეღამისო დოზა მიიღება დილით უზმოდ, საუზმემდე ნახევარი საათით ადრე, სასურველია მცირე რაოდენობით სითხესთან ერთად (მაგ: ნახევარი ჭიქა წყალი). ბავშვებმა მთელი დოზა ერთად უნდა მიიღონ, საკვების პირველ მიღებამდე 30 წუთით ადრე. ტაბლეტი იხსნება მცირე რაოდენობით წყალში და მიღებული სუსპენზია, რომელიც მზადდება უშუალოდ პრეპარატის მიღების წინ, მიიღება წყლის მცირე რაოდენობასთან ერთად. პაციენტების ინდივიდუალური საჭიროების შესაბამისად მკურნალობის მიზნით ტაბლეტების სხვადასხვა დოზის ფართო დიაპაზონია ხელმისაწვდომი-25-150მკგ-ის ფარგლებში. ამიტომ, ძირითადად ისინი საჭიროებენ 1 ტაბლეტს დღეში. ინდივიდუალური სადღეღამისო დოზის შერჩევა ხდება ლაბორატორიული ანალიზებისა და კლინიკური გამოკვლევების საფუძველზე. ვინაიდან პაციენტების ნაწილს აღენიშნება T4 და fT4 კონცენტრაციების მატება, TSH-ის ბაზალური კონცენტრაცია სისხლის შრატში უფრო საიმედო მკურნალობის კურსის შერჩევის საშუალებას იძლევა.შენახვის წესი: ინახება სინათლისგან დაცულ და ბავშვებისათვის მიუწვდომელ ადგილას, არა უმეტეს 25C ტემპერატურაზე.ვარგისიანობის ვადა: 3 წელი. არ გამოიყენება კოლოფზე მითითებული ვარგისიანობის ვადის გასვლის შემდეგ.აფთიაქიდან გაცემის წესი: ფარმაცევტული პროდუქტის ჯგუფი II, გაიცემა ფორმა N3 რეცეპტით.
