თვისებები
რა არის ეს?
ფლუიფორტი® სიროფი (კარბოცისტეინის ლიზინის მარილი 9%) ყურადღებით წაიკითხეთ ეს გამოყენების ინსტრუქცია მთლიანად ამ პრეპარატის მიღების დაწყებამდე: -შეინახეთ ეს გამოყენების ინსტრუქცია, შეიძლება დაგჭირდეთ მისი ხელახლა წაკითხვა. -თუ თქვენ გაქვთ რაიმე დამატებითი კითხვები, დაუსვით ისინი თქვენს ექიმს ან ფარმაცევტს. -ეს პრეპარატი დანიშნულია თქვენთვის. არ გადასცეთ ის სხვებს. ამან შეიძლება ზიანი მიაყენოს მათ, მაშინაც კი, თუ მათი სიმპტომები თქვენის მსგავსია. -თუ რომელიმე გვერდითი ეფექტი გახდება სერიოზული, ან თუ შეამჩნევთ ნებისმიერ გვერდით ეფექტებს, რომლებიც არ არის ჩამოთვლილ ამ გამოყენების ინსტრუქციაში, გთხოვთ დაუყოვნებლივ აცნობოთ ამის შესახებ თქვენს ექიმს ან ფარმაცევტს. ამ გამოყენების ინსტრუქციაში მოცემულია შემდეგი ინფორმაცია: 1. რა არის ფლუიფორტი სიროფი და რისთვის გამოიყენება ის 2. რა უნდა იცოდეთ ფლუიფორტი სიროფის მიღების დაწყებამდე 3. როგორ მიიღება ფლუიფორტი სიროფი 4. შესაძლო გვერდითი ეფექტები 5. როგორ ინახება ფლუიფორტი სიროფი. 6. დამატებითი ინფორმაცია 1. რა არის ფლუიფორტი სიროფი და რისთვის გამოიყენება ის ფლუიფორტი სიროფი შეიცავს აქტიური ინგრედიენტის სახით S-მეთილ კარბოცისტეინის ლიზინის მარილს, რომელიც არის მუკო- მარეგულირებელი და აქვს მუკოლიზური და გამათხიერებელი ეფექტი. ფლუიფორტი ეფექტურია მდგომარეობების დროს, რომელსაც ახლავს ბლანტი, ძნელად გამოსაყოფი ნახველის წარმოქმნა, ზედა და ქვედა სასუნთქი გზების მწვავე და ქრონიკული დაავადებების დროს, და ასევე ის გამოიყენება შუა ყურის, ყელისა და ცხვირის რიგი დაავადების სამკურნალოდ. იხილეთ ბლოგი: ფლუიფორტი — მედიკამენტი, რომელიც ყელ-ყურ-ცხვირის დაავადებების სამკურნალოდ გამოიყენება 2. ფლუიფორტი სიროპის მიღებამდე არ შეიძლება ფლუიფორტი სიროპის მიღება, თუ -თქვენ გაქვთ ალერგია ან აუტანლობა აქტიური ნივთიერების ან ფლუიფორტი სიროფში შემავალი ნებისმიერი ინგრედიენტის მიმართ, -გაქვთ კუჭის ან თორმეტგოჯა ნაწლავის წყლული - ხართ ორსული ან მეძუძური. -პრეპარატი არ უნდა მიეცეს 2 წლამდე ასაკის ბავშვებს. საჭიროა სიფრთხილის განსაკუთრებული ზომების მიღება ფლუიფორტი სიროფის მიღებისას - თუ თქვენმა ექიმმა გითხრათ, რომ გაქვთ ზოგიერთი შაქრის მიმართ აუტანლობა, მიღების დაწყებამდე მიმართეთ კონსულტაციისთვის თქვენს ექიმს. -გაქვთ შაქრიანი დიაბეტი და ხართ დაბალკალორიულ დიეტაზე, თქვენ უნდა გაითვალისწინოთ სიროფში საქაროზას შემცველობა. პრეპარატი შეიცავს მეთილ-პარა-ჰიდროქსიბენზოატს, რომელმაც შეიძლება გამოიწვიოს ჭინჭრის ციება. პარა-ჰიდროქსიბენზოატმა შეიძლება ასევე გამოიწვიოს დაყოვნებული რეაქციები, როგორიცაა კონტაქტური დერმატიტი, და იშვიათ შემთხვევებში ჭინჭრის ციება და ბრონქოსპაზმი. - ეს პროდუქტი უკუნაჩვენებია 2 წლამდე ასაკის ბავშვებში: 2 წლამდე ასაკის ბავშვებში მუკოლიტიკებმა შეიძლება გამოიწვიოს ბრონქების ობსტრქუცია. ეს დაკავშირებულია იმასთან, რომ სასუნთქი გზების ფიზიოლოგიური მახასიათებლების გამო, ამ ასაკობრივ ჯგუფში ბრონქების ლორწოს დრენაჟის უნარი შეზღუდულია. ამიტომაც 2 წლამდე ასაკის ბავშვებმა არ უნდა მიიღონ მუკოლიზური საშუალებები. თუ თქვენ ღებულობთ სხვა სამკურნალო საშუალებებს რაიმე ურთიერთქმედების რეაქციები ზედა და ქვედა სასუნთქი გზების დაავადებების სამკურნალოდ ყველაზე ხშირად გამოყენებულ სამკურნალო საშუალებებთან არ გამოვლენილა. თუმცა, გთხოვთ აცნობოთ თქვენს ექიმს ან ფარმაცევტს, რომ ახლა იღებთ ან ბოლო დროს ღებულობდით სხვა სამკურნალო საშუალებებს, ექიმის რეცეპტის გარეშე გაცემულების ჩათვლით. ფლუიფორტი სიროფის მიღება საკვებთან ან სითხეებთან ერთად განსაკუთრებული რეკომენდაციები ფლუიფორტის ცალკე, ან საკვებთან ან სითხეებთან ერთად მიღების შესახებ არ არსებობს. ორსულობა და მეძუძურობის პერიოდი პრეპარატის მიღებამდე მიმართეთ კონსულტაციისთვის თქვენს ექიმს ან ფარმაცევტს. ორსულობისა და მეძუძურობის პერიოდში ფლუიფორტის სიროფის მიღება არ შეიძლება. ავტომობილის მართვა და მექანიზმებთან მუშაობა თქვენ შეგიძლიათ მართოთ ავტომობილი და იმუშაოთ მექანიზმებთან ფლუიფორტის სიროფის მიღების დროს. 3. როგორ მიიღება ფლუიფორტი სიროპი ყოველთვის ზუსტად დაიცავით ექიმის რეკომენდაციები ფლუიფორტი სიროფის მიღების შესახებ. ყოველთვის მიმართეთ ექიმს ან ფარმაცევტს დასაზუსტებლად, თუ არა ხართ დარწმუნებული დოზირებაში. ჩვეულებრივი რეკომენდებული დოზები შეადგენს: მოზრდილები: 30 მლ ერთჯერ დღეში ან 15 მლ 2-ჯერ დღეში. ბავშვები: - ფლუიფორტი უკუნაჩვენებია ახალშობილებსა და ჩვილებში. - 2-დან 5 წლამდე: 2.5 მლ ორჯერ დღეში. - 5 წლიდან: 5 მლ ორჯერ დღეში. პაციენტები ღვიძლისა და თირკმელების ფუნქციის დარღვევით: შეიძლება გამოყენებულ იქნას ჩვეულებრივი რეკომენდებული დოზები. მკურნალობის ხანგრძლივობა: ფლუიფორტის გამოყენება შესაძლებელია ხანგრძლივი პერიოდის განმავლობაში, თუმცა, ასეთ შემთხვევაში გთხოვთ, დაიცვათ თქვენი მკურნალი ექიმის რეკომენდაციები. თუ თქვენ მიიღეთ ფლუიფორტი სიროფის საჭიროზე მეტი რაოდენობა დაუკავშირდით თქვენს მკურნალ ექიმს ან ფარმაცევტს და დაიცავით მათი ინსტრუქციები. დოზის გადაჭარბების შემთხვევაში, რომელსაც თან ახლავს გვერდითი რეაქციები გაძლიერებული სიმპტომატიკით, შეიძლება სასარგებლო იყოს კუჭის ამორეცხვა შემდგომი მკურნალობით სამედიცინო დაკვირვების ქვეშ. ამ სამკურნალო საშუალებისათვის სპეციფიკური ანტიდოტი არ არსებობს. თუ დაგავიწყდათ ფლუიფორტი სიროფის მიღება თუ დაგავიწყდათ ერთი დოზის მიღება და უკვე მოახლოვებულია თქვენი შემდეგი დოზის მიღების დრო, მიიღეთ მხოლოდ ერთი დოზა და გააგრძელეთ შემდგომი მიღება გამოყენების ინსტრუქციის რეკომენდაციებში მოცემული მითითებების მიხედვით. არ მიიღოთ ორმაგი დოზა გამოტოვებული დოზის შესავსებად. თუ გამოტოვეთ რამდენიმე დოზა, დაუკავშირდით მკურნალ ექიმს. მან შეიძლება გირჩიოთ დაიცვათ ფლუიფორტი სიროფის მიღების ახალი კურსი. თუ თქვენ შეწყვიტეთ ფლუიფორტი სიროფის მიღება ფლუიფორტი სიროფის მიღების შეწყვეტა საკუთარი სურვილით რეკომენდებული არ არის. თუ თქვენ გაქვთ გაგიჩნდებათ რაიმე კითხვები ამ პრეპარატის გამოყენებასთან დაკავშირებით, დაუსვით ისინი თქვენს ექიმს ან ფარმაცევტს. 4. შესაძლო გვერდითი რეაქციები ყველა სხვა სამკურნალო საშუალებების მსგავსად, ფლუიფორტი სიროფმაც შეიძლება გამოიწვიოს გვერდითი რეაქციები, თუმცა ისინი გამოვლინდება არა ყველა პაციენტში. ფლუიფორტის გამოყენებისას იშვიათად აღინიშნა შემდეგი გვერდითი რეაქციები: კანის მხრივი დარღვევები: კანზე გამონაყარი, ჭინჭრის ციება, ერითემა, ეგზანთემა, ეგზემატოზური / ერითემატოზული ბულოზური გამონაყარები, ქავილი, ანგიონევროზული შეშუპება, დერმატიტი. საჭმლის მომნელებელი სისტემა: მუცლის ტკივილი, გულისრევა, ღებინება, დიარეა. ცენტრალური ნერვული სისტემა: თავბრუსხვევა. გულ-სისხლძარღვთა სისტემა: კანის საფარველის გაწითლება. სასუნთქი სისტემა: ქოშინი. დაფიქსირდა გემოს მგრძნობელობის დაქვეითებისა და ყნოსვითი ილუზიის ტიპის ყნოსვის ცვლილების ერთი შემთხვევა პაციენტში, რომელმაც მიიღო რეკომენდებულზე უფრო მაღალი დოზები. იმ შემთხვევაში, თუ გამოვლენილი გვერდითი რეაქცია მიიღებს სერიოზულ ხასიათს, ან თუ აღმოაჩენთ გვერდით ეფექტს, რომელიც არ არის მითითებული ამ გამოყენების ინსტრუქციაში, გთხოვთ აცნობოთ ამის შესახებ ექიმს ან ფარმაცევტს. 5. როგორ ინახება ფლუიფორტი სიროპი ინახება მშრალ ადგილას 25°C -ზე დაბალ ტემპერატურაზე. ინახება ბავშვებისთვის მიუწვდომელ ადგილზე. არ მიიღოთ ფლუიფორტი სიროფი ეტიკეტზე და მუყაოს შეფუთვაზე მითითებული ვარგისიანობის ვადის გასვლის შემდეგ. ვარგისიანობის ვადა მიუთითებს თვის ბოლო დღეს. არ შეიძლება სამკურნალო საშუალების კანალიზაციაში გადაღვრა ან მისი ნაგავთან ერთად გადაყრა. დაუკავშირდით ფარმაცევტს იმის დასაზუსტებლად, თუ როგორ უნდა მოექცეთ სამკურნალო საშუალებას, რომელიც აღარ გჭირდებათ. ეს ზომები მიზნად ისახავს გარემოს დაცვას. 6. სხვა ინფორმაცია რას შეიცავს ფლუიფორტი სიროფი - აქტიური ნივთიერებაა კარბოცისტეინის ლიზინის მარილის მონოჰიდრატი - სხვა (დამხმარე) ინგრედიენტებია: ალუბლის ბუნებრივი არომატიზატორი, მეთილპარაბენი (მეთილ-პ-ჰიდროქსი-ბენზოატი), კარამელი, საქაროზა და გასუფთავებული წყალი. როგორ გამოიყურება ფლუიფორტი სიროფი და შეფუთვის შემადგენლობა ფლუიფორტი არის გამჭვირვალე, მბზინავი, მოყვითალო-მოყავისფრო სითხე. სიროფი შეფუთულია 40 მლ ან 120 მლ-იან ფლაკონებში, ფლაკონები შეფუთულია მუყაოს კოლოფებში, გამოყენების ინსტრუქციასთან და პლასტმასის საზომ კოვზთან (40 მლ) ან პლასტმასის საზომ ჭიქასთან (120 მლ) ერთად კომპლექტში. გაცემის რეჟიმი: ფარმაცევტული პროდუქტის ჯგუფი - III, გაიცემა რეცეპტის გარეშე