თვისებები
- ფორმა
- tableti
- დოზა მგ
- 10
- შეფუთვა
- 28
რა არის ეს?
შემადგენობა: აქტიური ნივთიერებაა ესციტალოპრამი.ჩვენება: გამოიყენება დეპრესიის სამკურნალოდ (დიდი დეპრესიული აშლილობის) და შფოთვითი აშლილობების (როგორიცაა: პანიკური აშლილობა აგორაფობიით ან მის გარეშე, სოციალური შფოთვითი აშლილობა, გენერალიზებული შფოთვითი აშლილობა და ობსესიურ-კომპულსური აშლილობა). ესციტალოპრამი მიეკუთვნება ანტიდეპრესანტების, ე.წ. სეროტონინის უკუმიტაცების სელექტიური ინჰიბიტორების (SSRI) ჯგუფს. ეს მედიკამენტები მოქმედებენ თავის ტვინის სეროტონინის სისტემაზე და ზრდის სეროტონინის დონეს. მიჩნეულია, რომ სეროტონინის სისტემის დარღვევები მნიშვნელოვანი ფაქტორია დეპრესიული და მსგავსი დაავადებების განვითარებაში.უკუჩვენება: თუ პაციენტი ალერგიულია ესციტალოპრამის ან ესციტალოპრამი ნორმონის სხვა რომელიმე ინგრედიენტის მიმართ; ღებულობს მედიკამენტებს, რომლებიც მიეკუთვნებიან მაო ინჰიბიტორებს, მათ შორის სელეგილინს, მოკლობემიდს და ლინეზოლიდს; თუ პაციენტს აღენიშნება თანდაყოლილი ან შეძენილი გულის რიტმის დარღვევა; თუ პაციენტი ღებულობს ანტიარითმიულ მედიკამენტებს ან მედიკამენტებს, რომლებიც გავლენას ახდენენ გულის რიტმზე. არ არის რეკომენდებული ესციტალოპრამი ნორმონის მიღება, თუ პაციენტი ღებულობს ანტიარითმიულ მედიკამენტებს ან მედიკამენტებს, რომლებიც გავლენას ახდენენ გულის რიტმზე, როგორიცაა IA და III კლასის ანტიარითმიული საშუალებები, ანტიფსიქოზური საშუალებები (მაგ.: ჰენოთიაზინის წარმოებულები, პიმოზიდი, ჰალოპერიდოლი), ტრიციკლური ანტიდეპრესანტები, გარკვეული ანტიმიკრობული აგენტები (მაგ.: სპარფლოქსაცინი, მოქსიფლოქსაცინი, ერითრომიცინი IV, პენტამიდინი, ანტიმალარიული საშუალება ჰალოფანტრინი), გარკვეული ანტიჰისტამინები (ასტემიზოლი, მიზოლასტინი). ნებისმიერი შეკითხვის არსებობისას საჭიროა ექიმთან მიმართვა.ბავშვებსა და 18 წლამდე ასაკის მოზარდებში გამოყენება: პრეპარატის გამოყენება არ არის რეკომენდებული ბავშვებსა და 18 წლამდე ასაკის მოზარდებში. 18 წლამდე ასაკი პაციენტებს ამ ჯგუფის მედიკამენტების მიღებისას აღენიშნებათ გვერდითი მოვლენების განვითარების გაზრდილი რისკი, როგორიცაა: სუიციდალური აზრები და ქმედებები და მტრული განწყობა. მიუხედავად ამისა, ექიმმა შეიძლება დანიშნოს ესციტალოპრამი ნორმონი 18 წლამდე ასაკის პაციენტებში და საჭიროების შემთხვევაში ეს განხილულ უნდა იქნას პაციენტთან. ექიმს უნდა ეცნობოს, თუ რომელიმე ზემოთ ჩამოთვლილი აღენიშნება 18 წლამდე ასაკის პაციენტს, რომელიც ღებულობს ესციტალოპრამ ნორმონს. ასევე, არ არის შესწავლილი ამ ასაკობრივ ჯგუფში ესციტალოპრამის უსაფრთხოების ხანგრძლივი ეფექტები, კერძოდ, მისი გავლენა ზრდაზე, სქესობრივ მომწიფებაზე, კოგნიტიურ და ქცევით განვითარებაზე.ორსულობა და ლაქტაცია: ორსულობის ან მისი დაგეგმვის დროს საჭიროა ექიმთან მიმართვა. ესციტალოპრამი ნორმონის მიღება ორსულობის დროს დაუშვებელია ექიმის დანიშნულების გარეშე, ამ დროს უნდა შეფასდეს შესაძლო რისკისა და სარგებლის თანაფარდობა. თუ ესციტალოპრამი ნორმონის მიღება ხდება ორსულობის ბოლო ტრიმესტრში, ახალშობილს შეიძლება აღენიშნოს: სუნთქვის გაძნელება, ციანოზი, კრუნჩხვები, სხეულის ტემპერატურის ცვლილება, კვების გაძნელება, ღებინება, სისხლში შაქრის დაბალი დონე, კუნთების გაშეშება ან მოდუნება, რეფლექსების გაძლიერება, ტრემორი, ნევროზულობა, გაღიზიანება, ძილიანობა, მუდმივად ტირილი, უძილობა და დაძინების გართულება. საჭიროა დაუყოვნებლივ ექიმთან მიმართვა, თუ ახალშობილს აღენიშნება ასეთი სიმპტომები.შენახვის წესი: ინახება ბავშვებისთვის მიუწვდომელ ადგილას, 30C ტემპერატურაზე დაბალ ტემპერატურაზე.გაცემის წესი: ფარმაცევტული პროდუქტის ჯგუფი II, გაიცემა ფორმა N3 რეცეპტით.
