თვისებები
რა არის ეს?
დიცინონი® 250 მგ/2 მლ საინექციო ხსნარი სამკურნალო საშუალების დასახელება დიცინონი® საერთაშორისო არაპატენტირებული დასახელება ეტამზილატი/ETAMSYLATE გამოშვების ფორმა საინექციო ხსნარი შემადგენლობა მოქმედი ნივთიერება: ეტამზილატი. 2 მლ ხსნარი (ერთი ამპულა) შეიცავს 250 მგ ეტამზილატს. 1 მლ ხსნარი შეიცავს 125 მგ ეტამზილატს. დამხმარე ნივთიერებები: ნატრიუმის მეტაბისულფიტი (Е223), ნატრიუმის ჰიდროკარბონატი, საინექციო წყალი. აღწერილობა უფერო, გამჭვირვალე ხსნარი. ფარმაკოთერაპიული ჯგუფი ჰემოსტაზური საშუალებები. ვიტამინი K და ჰემოსტაზური საშუალებები. ათქ-კოდი: B02BX01 იხილეთ ბლოგი: დიცინონის ანოტაცია მარტივად: როდის გამოიყენება, როგორ მივიღოთ და რა გვერდითი მოვლენები შეიძლება გამოიწვიოს ფარმაკოლოგიური თვისებები ფარმაკოდინამიკა ეტამზილატი წარმოადგენს სინთეზურ სისხლის შემაჩერებელ და ანგიოპროტექტორულ საშუალებას, რომელიც მოქმედებს ჰემოსტაზის საწყის ეტაპზე (ენდოთელიუმსა და თრომბოციტებს შორის ურთიერთქმედების ეტაპზე). თრომბოციტების ადჰეზიის გაუმჯობესებით და კაპილარული წინააღმდეგობის აღდგენით, ის ამცირებს სისხლდენის დროსა და სისხლის დანაკარგის მოცულობას. ეტამზილატს არ გააჩნია სისხლძარღვთა შემავიწროვებელი ეფექტი, ის არ ახდენს გავლენას ფიბრინოლიზზე და შედედების პლაზმურ ფაქტორებზე. ფარმაკოკინეტიკა პლაზმაში 50 მკგ/მლ-ის ტოლი პიკური დონე აღინიშნება ეტამზილატის 500 მგ დოზით ინტრავენური შეყვანიდან 10 წუთის შემდეგ. ეტამზილატის ამავე დოზის ინტრამუსკულური შეყვანისას, პლაზმაში 30 მკგ/მლ-ის ტოლი პიკური დონე აღინიშნება ერთი საათის შემდეგ. პლაზმის ცილებთან შეკავშირება შეადგენს დაახლოებით 95%-ს. ეტამზილატი გადის პლაცენტარული ბარიერს. დედისა და ჭიპლარის სისხლში აღინიშნება პრეპარატის მსგავსი დონეები. აღწევს თუ არა ეტამზილატი დედის რძეში, უცნობია. ეტამზილატი სუსტად მეტაბოლიზდება. ეტამზილატი ძირითადად თირკმლებით გამოიყოფა, ამასთან 85 % – უცვლელი სახით. პლაზმიდან ნახევარგამოყოფის პერიოდი შეადგენს 2,1 საათს (ინტრამუსკულარულად) და 1,9 საათს (ინტრავენურად). დოზის დაახლოებით 70-80% შარდთან ერთად გამოიყოფა პირველი 24 საათის განმავლობაში. იცვლება თუ არა ეტამზილატის ფარმაკოკინეტიკა თირკმლების და (ან) ღვიძლის ფუნქციის დარღვევის მქონე პაციენტებში, უცნობია. გამოყენების ჩვენებები - ოპერაციის წინა, ინტრაოპერაციული ან ოპერაციის შემდგომი კაპილარული სისხლდენის პროფილაქტიკა რთული ოპერაციების დროს ან კარგად ვასკულარიზებულ ქსოვილებზე ოპერაციების დროს: ოტორინოლარინგოლოგიაში, გინეკოლოგიაში, მეანობაში, უროლოგიაში, სტომატოლოგიაში, ოფთალმოლოგიაში ან პლასტიკურ და აღდგენით ქირურგიაში. - ნებისმიერი წარმოშობის და ლოკალიზაციის კაპილარული სისხლდენის მკურნალობა. - პერივენტრიკულარული სისხლჩაქცევების პროფილაქტიკა დღენაკლულ ბავშვებში. უკუჩვენებები - მწვავე პორფირია. - ბრონქული ასთმა, სულფიტების მიმართ მომატებული მგრძნობელობა. - პრეპარატის ნებისმიერი კომპონენტის მიმართ მომატებული მგრძნობელობა. სიფრთხილის ზომები არტერიული წნევის დაცემის რისკის გამო, არამდგრადი არტერიული წნევის ან ჰიპოტენზიის მქონე პაციენტებში პარენტერალური შეყვანის დროს საჭიროა სიფრთხილის დაცვა (იხ. „გვერდითი მოქმედება“). პრეპარატი შეიცავს ნატრიუმის მეტაბისულფიტს, რომელსაც მგრძნობიარე პაციენტებში შეუძლია ალერგიული რეაქციების, გულისრევისა და დიარეის გამოწვევა. ალერგიულ რეაქციებს შეიძლება გააჩნდეთ გამოხატული ხასიათი, ანაფილაქსიურ შოკამდეც კი, და შეუძლიათ სიცოცხლისთვის საშიში ასთმის შეტევების გამოწვევა. ამგვარი ალერგიული რეაქციების გავრცელება უცნობია, მაგრამ, სავარაუდოდ, მაღალი არ არის. ბრონქული ასთმით დაავადებულ პაციენტებს სულფიტების მიმართ მომატებული მგრძნობელობა აღენიშნებათ უფრო ხშირად, ვიდრე იმ პირებს, რომლებსაც ეს დაავადება არ აწუხებთ (იხ. „უკუჩვენებები“). ჰიპერმგრძნობელობის რეაქციების განვითარების შემთხვევაში პრეპარატის შეყვანა დაუყოვნებლივ უნდა შეწყდეს. კანის რეაქციების ან ტემპერატურის მომატების შემთხვევაში საჭიროა მკურნალობის შეწყვეტა და მკურნალი ექიმისთვის შეტყობინება, ვინაიდან მსგავსი სიმპტომები შეიძლება ჰიპერმგრძნობელობის რეაქციის ნიშნებს წარმოადგენდეს. თუ პრეპარატი ინიშნება ჭარბი და (ან) ხანგრძლივი მენსტრუალური სისხლდენის შემცირებისთვის და ამასთან სასურველი ეფექტის მიღწევა ვერ ხდება, საჭიროა სხვა პათოლოგიის არსებობის გამორიცხვა, რომელსაც ასეთი მდგომარეობის გამოწვევა შეუძლია. ბავშვები პრეპარატი გამოსადეგია ბავშვებში რეკომენდებულ დოზებში გამოსაყენებლად. პრეპარატი შეიძლება დაინიშნოს დღენაკლულ ბავშვებში პერივენტრიკულარული სისხლჩაქცევების პროფილაქტიკისთვის. დოზირების რეკომენდაციები იხ. ნაწილში „გამოყენების წესი და დოზები“. თირკმლის უკმარისობის მქონე პაციენტები თირკმლის უკმარისობის მქონე პაციენტებში ეტამზილატით მკურნალობის უსაფრთხოება და ეფექტურობა შესწავლილი არ არის. ვინაიდან ეტამზილატი მთლიანად გამოიყოფა თირკმლებით, თირკმლის უკმარისობის დროს შესაძლოა საჭირო გახდეს დოზის შემცირება. ლაბორატორიული ანალიზების შედეგები თერაპიულ დოზებში გამოყენებულმა ეტამზილატმა შესაძლოა ზეგავლენა მოახდინოს კრეატინინის განსაზღვრის ფერმენტული ანალიზის შედეგებზე მაჩვენებლების შემცირების მიმართულებით. ლაბორატორიულ მაჩვენებლებზე პრეპარატის ნებისმიერი ზეგავლენის გამოსარიცხად დიცინონის პირველ გამოყენებამდე ატარებენ საწყის ანალიზებს (მაგალითად, სისხლის), რომლებიც საჭირო გახდება მკურნალობის მსვლელობისას. ორსულობა და ძუძუთი კვება ორსული ქალების მიერ პრეპარატის გამოყენების შესახებ მონაცემები შეზღუდულია. ცხოველებზე ექსპერიმენტებმა არ გამოავლინეს რაიმე პირდაპირი ან არაპირდაპირი ტოქსიკურობა, რომელიც ზეგავლენას ახდენს რეპროდუქციულ ფუქციაზე. სიფრთხილის ზომის სახით უმჯობესია თავიდან იქნას აცილებული პრეპარატის გამოყენება ორსულობის დროს. დედის რძეში პრეპარატის შეღწევის უნარის შესახებ მონაცემების არარსებობის გამო მკურნალობის დროს ძუძუთი კვება რეკომენდებული არ არის. თუ ძუძუთი კვება გრძელდება, მაშინ პრეპარატის გამოყენება უნდა შეწყდეს. ზეგავლენა სატრანსპორტო საშუალებების მართვისა და მექანიზმებთან მუშაობის უნარზე არ ახდენს ზეგავლენას. გამოყენების წესი და დოზები ზრდასრულები და მოზარდები ოპერაციის წინ: 1-2 ამპულა ინტრავენურად ან ინტრამუსკულარულად ქირურგიულ ჩარევამდე ერთი საათით ადრე. ოპერაციის დროს: 1-2 ამპულა ინტრავენურად, განმეორება ხდება საჭიროების მიხედვით. ოპერაციის შემდეგ: 1-2 ამპულა, განმეორებითი შეყვანა ყოველ 4-6 საათში ერთხელ, მთელი დროის განმავლობაში, სანამ შენარჩუნებული იქნება სისხლდენის რისკი. გადაუდებელ სიტუაციებში და შემთხვევის სიმძიმის მიხედვით: 1-2 ამპულა ინტრავენურად ან ინტრამუსკულარულად, განმეორებითი შეყვანა ყოველ 4-6 საათში ერთხელ, სისხლდენის რისკის აღმოფხვხვრამდე. ადგილობრივი გამოყენება: დაასველეთ ხელსახოცი ერთი ამპულის შიგთავსით და მოათავსეთ სისხლმდენ არეზე ან კბილის ამოღების შემდეგ წარმოქმნილ ღრუში. საჭიროების შემთხვევაში აპლიკაცია გაიმეორეთ. შესაძლებელია შიგნით ან პარენტერალურად მიღებასთან კომბინაცია. ბავშვები მოზრდილებისთვის განკუთვნილი დოზის ნახევარი. ახალშობილები 10 მგ სხეულის მასის კგ-ზე (0,1 მლ = 12,5 მგ) ინტრამუსკულური ინექციის სახით დაბადებიდან პირველი 2 საათს განმავლობაში, შემდგომ ყოველ 6 საათში ერთხელ 4 დღის განმავლობაში. ღვიძლის ან თირკმლის უკმარისობის მქონე პაციენტები ღვიძლის ან თირკმლის უკმარისობის მქონე პაციენტებში კლინიკური კვლევები არ ჩატარებულა. ამიტომ, ასეთი პაციენტებისთვის დიცინონი საინექციო ხსნარის დანიშვნის დროს საჭიროა სიფრთხილის დაცვა. საინექციო ხსნარი არ არის თავსებადი ნატრიუმის ჰიდროკარბონატის ან ლაქტატის შემცველ ხსნარებთან. არ შეიძლება დიცინონის ხსნარის შერევა ერთ შპრიცში სხვა სამკურნალო საშუალებებთან. თუ ხდება პრეპარატის შერევა ფიზიოლოგიურ ხსნართან იგი დაუყოვნებლივ უნდა იქნას გამოყენებული. გვერდითი მოქმედება ქვემოთ ჩამოთვლილია ის გვერდითი ეფექტები, რომელიც აღინიშნებოდა ეტამზილატის გამოყენებისას. ძალიან ხშირი (≥ 1/10), ხშირი (≥ 1/100, < 1/10), არახშირი (≥ 1/1 000, < 1/100), იშვიათი (≥ 1/10 000, < 1/1 000), ძალიან იშვიათი (< 1/10 000), სიხშირე უცნობია (არსებული მონაცემებიდან გამომდინარე განსაზღვრა შეუძლებელია). დარღვევები კუჭ-ნაწლავის ტრაქტის მხრივ ხშირი: გულისრევა, დიარეა, უსიამოვნო შეგრძნებები მუცლის არეში. იშვიათი: მწარე გემო. დარღვევები კანისა და კანქვეშა ქსოვილების მხრივ ხშირი: გამონაყარი. ზოგადი დარღვევები და დარღვევები შეყვანის ადგილას ხშირი: ასთენია. ძალიან იშვიათი: ცხელება. დარღვევები ნერვული სისტემის მხრივ ხშირი: თავის ტკივილი დარღვევები სისხლძარღვების მხრივ ძალიან იშვიათი: თრომბოემბოლია, არტერიული ჰიპოტენზია. დარღვევები სისხლისა და ლიმფური სისტემის მხრივ ძალიან იშვიათი: აგრანულოციტოზი, ნეიტროპენია, თრომბოციტოპენია. დარღვევები ჩონჩხ-კუნთოვანი სისტემისა და შემაერთებელი ქსოვილის მხრივ იშვიათი: სახსრების ტკივილი, ზურგის/წელის ტკივილი. დარღვევები იმუნური სისტემის მხრივ ძალიან იშვიათი: ჰიპერმგრძნობელობა, ანაფილაქსიური შოკი. დარღვევები ნივთიერებათა ცვლისა და კვების მხრივ ძალიან იშვიათი: მწვავე პორფირია. ეს რეაქციები, როგორც წესი, შექცევადია მკურნალობის შეწყვეტის შემდეგ. თუ გვერდითი ეფექტების გამოხატულება იზრდება ან ჩნდება ისეთი გვერდითი ეფექტები, რომელიც არ არის ჩამოთვლილი ამ ინსტრუქციაში, შეატყობინეთ ექიმს ან ფარმაცევტს. ჭარბი დოზირება პრეპარატის ჭარბი დოზირების შემთხვევები დაფიქსირებული არ არის. ჭარბი დოზირების სამკურნალოდ გამოიყენება სტანდარტული სამედიცინო ზომები. ურთიერთქმედება სხვა სამკურნალო საშუალებებთან არ შეიძლება ამპულის შიგთავსის შერევა სხვა სამკურნალო საშუალებებთან ერთ შპრიცში. საინექციო ხსნარი არ არის თავსებადი ნატრიუმის ჰიდროკარბონატის ან ლაქტატის შემცველ ხსნარებთან. თუ ხდება პრეპარატის შერევა ფიზიოლოგიურ ხსნართან იგი დაუყოვნებლივ უნდა იქნას გამოყენებული. პრეპარატში არსებული სულფიტი ახდენს თიამინის (ვიტამინი В1) ინაქტივაციას. თუ საჭიროა დექსტრანის ინფუზია, დიცინონი მანამდე უნდა იქნას შეყვანილი. შეფუთვა I კლასის უფერო მინის 2 მლ ხსნარის შემცველი ამპულები. 50 ამპულა გამოყენების გამოყენების ინსტრუქციასთან ერთად შეფუთვაში. შენახვის პირობები ინახება ბავშვებისთვის მიუწვდომელ ადგილას. ინახება არაუმეტეს 25 °С ტემპერატურაზე, სინათლისგან დაცულ ადგილას. ვარგისობის ვადა 5 წელი. არ გამოიყენოთ შეფუთვაზე და ამპულაზე მითითებული ვარგისობის ვადის ამოწურვის შემდეგ. ვარგისიანობის ვადა იწურება მითითებული თვის ბოლო დღეს. არ შეიძლება პრეპარატის გამოყენება, თუ ამპულის შიგთავსმა მიიღო შეფერილობა. გაცემის პირობები ფარმაცევტული პროდუქტის ჯგუფი II, გაიცემა ფორმა №3 რეცეპტით.
