თვისებები
რა არის ეს?
როზამეტი საერთაშორისო არაპატენტირებული დასახელება: მეტრონიდაზოლი წამლის ფორმა: კრემი შემადგენლობა: 1 გრამი კრემი შეიცავს: აქტიურ ნივთიერება: მეტრონიდაზოლი - 10მგ; დამხმარე ნივთიერებები: გლიცერინი, თხევადი პარაფინი, Lანეტტე შX ცეტოსტეარილის სპირტი, ნატრიუმის ლაურილსულფატი, გასუფთავებული წყალი), პროპილენგლიკოლი, მეთილპარაჰიდროქსიბენზოატი, პროპილპარაჰიდროქსიბენზოატი, გასუფთავებული წყალი. აღწერილობა თეთრი, უსუნო ერთგვაროვანი კრემი იხილეთ ბლოგი: როზამეტის მალამო: ფარმაკოლოგიური თვისებები, ჩვენებები და გამოყენების პრაქტიკა ფარმაკოთერაპიული ჯგუფი ქიმიოთერაპიული საშუალებები ადგილობრივი გამოყენებისათვის. ათქ კოდი: D06BX01 ფარმაკოლოგიური თვისებები ფარმაკოდინამიკა მეტრონიდაზოლს გააჩნია ანტიპარაზიტული და ანტიმიკრობული მოქმედება და აქტიურია მრავალი პათოგენური მიკროორგანიზმის მიმართ. მეტრონიდაზოლს აქვს აკნეს საწინააღმდეგო მოქმედება და განსაკუთრებით ეფექტურია როზაცეას პაპულო-პუსტულოზური ანთებითი ელემენტების შემთხთვევაში. მოქმედების მექანიზმი სავარაუდოდ მოიცავს ასევე ანთების საწინააღმდეგო ეფექტს. პრეპარატი აქტიურია გრამუარყოფითი აერობული მიკროორგანიზმების: Hელიცობაცტერ პყლორი; ანაერობული მიკროორგანიზმების: Bაცტეროიდეს ფრაგილის, Bიფიდობაცტერიუმ, Bილოპჰილა, ჩლოსტრიდიუმ, ჩლოსტრიდიუმ დიფფიცილე, Eუბაცტერიუმ, Fუსობაცტერიუმ, Pეპტოსტრეპტოცოცუს, Pრევოტელლა, Pროპჰყრომონას Vეილლონელლა; უმარტივესების მიმართ: Eნტამოება ჰისტოლყტიცა, Gლარდია ინტესტინალის, თრიცჰომონას ვაგინალის. ფარმაკოკინეტიკა: როზამეტის 1გ კრემის სახეზე გამოყენების შემდეგ სისხლის შრატში მეტრონიდაზოლის მაქსიმალური კონცენტრაცია შეადგენს საშუალოდ 32,9 ნგ/მლ-ს (დიაპაზონი 14,8-54,4 ნგ/მლ). ეს რაოდენობა არ აჭარბებს სისხლის შრატში მეტრონიდაზოლის საშუალო მაქსიმალური კონცენტრაციის 0,5%-ს 250მგ მეტრონიდაზოლის ტაბლეტის პერორალურად მიღების შემდეგ. როზამეტის კრემის კანზე გამოყენების შემდეგ სისხლის პლაზმაში მეტრონიდაზოლის კონცენტრაციის პიკი აღინიშნება 6-24 საათში. გარეგანი გამოყენების შემთხვევაში პრეპარატის კონცენტრაცია დამუშავების ადგილზე გაცილებით მაღალია ვიდრე სისხლის პლაზმაში. გამოყენების ჩვენებები როზაცეას და აკნეს მკურნალობა. საჭიროების შემთხვევაში პრეპარატის გამოყენებამდე კონსულტაციისათვის მიმართეთ ექიმს. უკუჩვენებები მომატებული მგრძნობელობა პრეპარატის აქტიური ნივთიერების ან რომელიმე ინგრედიენტის მიმართ. ორსულობა და ლაქტაცია ორსულობა ორსულებში მეტრონიდაზოლის გამოყენების შესახებ მონაცემები არ მოიპოვება. ორსულობის პერიოდში კრემი როზამეტი გამოიყენება მხოლოდ ექიმის მითითებით. ლაქტაცია პერორალურად მიღების შემდეგ მეტრონიდაზოლი ხვდება დედის რძეში ისეთივე კონცენტრაციებით, როგორც სისხლის პლაზმაში. მართალია როზამეტის გარეგანად გამოყენების შემდეგ მეძუძურ დედებში მისი დონე სისხლში მნიშვნელოვნად დაბალია, ვიდრე მეტრონიდაზოლის პერორალურად მიღებისას, მაგრამ დედისა და ბავშვისათვის მოსალოდნელი სარგებელისა და რისკების გათვალისწინებით არჩევანი უნდა გაკეთდეს ძუძუთი კვების ან პრეპარატის შეწყვეტაზე. მიღების წესი და დოზები განკუთვნილია მხოლოდ გარეგანი გამოყენებისათვის. კრემი როზამეტი თხელ ფენად დაიტანება წინასწარ გასუფთავებულ დაზიანებულ კანზე და ნაზად შეიზილება დღეში 1-2-ჯერ, დილით და საღამოს, მოარიდეთ თვალებს, ტუჩებს და ცხვირის ლორწოვან გარსს. კანის გასუფთავების შემდეგ კრემის წასმა რეკომენდებულია 15-20 წუთიანი შუალედით. მკურნალობის საშუალო ხანგრძლივობა შეადგენს 3-4 თვეს. თუმცა თუ მკურნალობა ეფექტურია დაავადების სიმწვავიდან გამომდინარე ექიმმა შესაძლოა განაგრძოს იგი კიდევ 3-4 თვე. ხანდაზმულ პაციენტებში დოზის კორექცია არ არის საჭირო. როზამეტის გამოყენება არ არის რეკომენდებული ბავშვებში, რადგან აღნიშნულ ასაკობრივ ჯგუფში პრეპარატის უსაფრთხოების და ეფექტურობის შესახებ მონაცემები არ მოიპოვება. პრეპარატი გამოიყენეთ მხოლოდ ინსტრუქციაში მოცემული წესისა და დოზების მიხედვით. საჭიროების შემთხვევაში პრეპარატის გამოყენებამდე კონსულტაციისათვის მიმართეთ ექიმს. გვერდითი მოქმედება როზამეტის გამოყენებისას დაფიქსირდა შემდეგი სპონტანური შეტყობინებები არსასურველი მოვლენების შესახებ, რაც ორგანოთა სისტემის თითოეული კლასის შესაბამისად დაყოფილია სიხშირის მიხედვით შემდეგ კატეგორიებად: ძალიან ხშირი (≥1/10), ხშირი (≥1/100 - <1/10), ნაკლებად ხშირი (≥1/1000 - <1/100), იშვიათი (≥1/10000 - <1/1000), ძალიან იშვიათი (<1/10000), მათ შორის ცალკეული შემთხვევები. დარღვევები კანის და კანქვეშა ქსოვილის მხრივ ხშირი: კანის სიმშრალე, ერითემა, ქავილი, დისკომფორტის შეგრძნება კანზე (წვის, ტკივილის, ჩხვლეტის შეგრძნება კანზე), კანის გაღიზიანება, როზაცეას გამოვლინების გაძლიერება. სიხშირე უცნობია: კონტაქტური დერმატიტი, კანის აქერცვლა, სახის შეშუპება. დარღვევები ნერვული სისტემის მხრივ: ნაკლებად ხშირი: ჰიპესთეზია, პარესთეზია, დისგევზია (პირში ლითონის გემო). დარღვევები კუჭ-ნაწლავის ტრაქტის მხრივ ნაკლებად ხშირი: ღებინება. დაუყოვნებლივ აცნობეთ ექიმს, თუ რომელიმე გვერდითი ეფექტი გართულდება, ან შენიშნავთ ისეთ გვერდით მოვლენას, რომელიც არ არის მოცემული აღნიშულ ინსტრუქციაში. ჭარბი დოზა დოზის გადაჭარბების შემთხვევები არ არის დარეგისტრირებული. სხვა პრეპარატებთან ურთიერთქმედება როზამეტის გამოყენებისას არ არის დარეგისტრირებული სხვა პრეპარატებთან ურთიერთქმედება. მხოლოდ მეტრონიდაზოლის პერორალური ფორმის შემთხვევაში სიფრთხილით ინიშნება იგი ვარფარინთან, ან სხვა არაპირდაპირ ანტიკოაგულანებთან ერთად პროთრომბინის დროის შესაძლო გახანგრძლივების გამო. განსაკუთრებული მითითებები როზამეტის კრემის გამოყენების შემდეგ თუ აღინიშნა კანის გაღიზიანების ნიშნები უნდა შემცირდეს გამოყენების სიხშირე, დროებით ან საერთოდ შეწყდეს მკურნალობა, საჭიროების შემთხვევაში კონსულტაციისათვის მიმართეთ ექიმს. მოარიდეთ თვალებს და ლორწოვან გარსს. შემთხვევითი კონტაქტისას კარგად ჩამოიბანეთ თბილი წყლით. პრეპარატის წასმის შემდეგ შესაძლებელია ისეთი კოსმეტიკური საშუალებების გამოყენება, რომელთაც არ გააჩნიათ კომედოგენური, ან შემკვრელი თვისებები. მკურნალობის პერიოდში მოერიდეთ ულტრაიისფერ დასხივებას (მზის პირდაპირი სხივები, სოლარიუმი, მზის სინათლის ნათურა). ულტრაიისფერი სხივების ზემოქმედებით მეტრონიდაზოლი გარდაიქმნება არააქტიურ მეტაბოლიტად, შესაბამისად მისი ეფექტურობა მნიშვნელოვნად მცირდება. მოერიდეთ პრეპარატის ჭარბი რაოდენობით და ხანგრძლივად გამოყენებას. მეტრონიდაზოლი წარმოადგენს ნიტროიმიდაზოლის წარმოებულს და იგი სიფრთხილით გამოიყენება პაციენტებში, რომელთაც აღენიშნებათ დარღვევები სისხლის მხრივ. პრეპარატის გამოყენებამდე ყურადღებით გაეცანით ინსტრუქციას. შეინახეთ ინსტრუქცია, შესაძლოა კვლავ დაგჭირდეთ. შეკითხვების შემთხვევაში მიმართეთ ექიმს. პრეპარატი ინიშნება ინდივიდუალურად, არ გადასცეთ სხვებს, რადგან მიუხედავად მსგავსი სიმპტომებისა შესაძლოა ავნოს მათ. ზეგავლენა ტრანსპორტის მართვის და მანქანების და მექანიზმების გამოყენების უნარზე პრეპარატი ზეგავლენას არ ახდენს ტრანსპორტის და მექანიზმების გამოყენების უნარზე. გამოშვების ფორმა 25გ კრემი ტუბში. მუყაოს კოლოფში მოთავსებულია 1 ტუბი და გამოყენების ინსტრუქცია. ვარგისიანობის ვადა 2 წელი. არ გამოიყენება ვარგისიანობის ვადის გასვლის შემდეგ. შენახვის პირობები ინახება არაუმეტეს 25 ° C ტემპერატურაზე, ბავშვებისათვის მიუწვდომელ ადგილას. გაცემის რეჟიმი: ფარმაცევტული პროდუქტის ჯგუფი - III, გაიცემა რეცეპტის გარეშე
