Метронидазол раствор для инфузий 0.5% 100мл #1

Форма

khsnari sainfuzio

Дозировка мг

0.5

Упаковка

1

აქტიური ნივთიერება:მეტროდინაზოლი - 5 მგ;დამხმარე ნივთიერებები:ნატრიუმის ქლორიდი, საინექციო წყალი.ფარმაკოთერაპიული ჯგუფი:ანტიმიკრობული და ანტიპროტოზოული საშუალება.გამოყენების ჩვენებები:• პროტოზოული ინფექციები:ნაწლავგარეთა ამებიაზი, ღვიძლის ამებური აბსცესის, ნაწლავბური ამებიაზის (ამებური დიზენტერია) ჩათვლით;ტრიქომონოზი;გაირდიაზი;ბალანტიდიაზი;ლამბლიოზი;კანის ლეიშმანიოზი;ტრიქომონადური ვაგინიტი;ტრიქომონადური ურეთრიტი.• ინფექციები, გამოწვეული Bacteroides spp. (მათ შორის- Bacteroides fragilis, Bacteroides distasonis,. Bacteroides ovatus, Bacteroides thetaiotaomicron, Bacteroides vu1gatus):ძვლებისა და სახსრების ინფექციები;ცენტრალური ნერვული სისტემის (ცნს) ინფექციები, მათ შორის მენინგიტი, ტვინის აბსცესი;ბაქტერიული ენდოკარდიტიპნევმონია, ემპიემა და ფილტვის აბსცესი.• ინფექციები, გამოწვეული Bacteroides სახეობებით, მათ შორის Bacteroides fragilis ჯგუფი, სახეობებით Clostridium, Peptococcus და Peptostreptoeoccus:მუცლის ღრუს ინფექციები (პერიტონიტი, ღვიძლის აბსცესი);მენჯის ორგანოების ინფექციები (ენდომეტრიტი, ენდომიომეტრიტი, ადნექსიტი და ბაქტერიული ვაგინოზი);კანისა და რბილი ქსოვილების ინფექციები (მათ შორის გაზოვანი განგრენა (ანაერობული განგრენა, მიონეკროზი);სეფსისი.• ფსევდომემბრანული კოლიტი (დაკავშირებული ანტიბიოტიკების გამოყენებასთან);• მძიმე შერეული აერობულ-ანაერობული ინფექციების კომბინირებული თერაპია, მათ შორის პაროდონტის დაავადებები, ყბა-სახის მიდამოს ჩირქოვან- ანთებითი პროცესები;• გასტრიტი ან თორმეტგოჯა ნაწლავის წყლული, ასოცირებული Helicobacter pylori-თან;• პოსტოპერაციული გართულებების პროფილაქტიკა (განსაკუთრებით ჩარევებისას განივ კოლინჯზე, სწორი ნაწლავის ახლო მიდამოზე, აპენდექტომია, გინეკოლოგიური ოპერაციები);• სიმსივნიანი პაციენტების სხივური თერაპია- რადიომასენსიბილიზებელი საშუალების სახით, იმ შემთხვევაში, როცა სიმსივნის რეზისტენტობა გამოწვეულია სიმსივნის უჯრედებში ჰიპოქსიით.გამოყენების მეთოდი და დოზირება:- დანიშვნისას უნდა განსაზღვროს გამოყოფილი გამომწვევი პათოგენების მგრძობელობა მის მიმართ. დოზა დამოკიდებულია დაავადების სიმძიმეზე, ინფექციის ტიპზე, პაციენტის ორგანიზმის მდგომარეობაზე, ასაკზე, წონაზე და თირკმლის ფუნქციაზე.- შეიყვანება ინტრავენურად (ი/ ვ) - ნაკადურად ან წვეთოვნად.მოზრდილები და ბავშვები 12 წლის ასაკიდანინიშნება ი/ვ წვეთოვნად საწყისი დოზით 500-1000 მგ (7.5-15 მგ / კგ), ინფუზიის ხანგრძლივობა - 30-60 წთ, და შემდეგ ყოველ 8 საათში 500 მგ (7.5 მგ / კგ) 5 მლ / წთ სიჩქარით. საშუალო მკურნალობის კურსი - 7 დღე (განისაზღვრება ინდივიდუალურად). საჭიროების შემთხვევაში, ი/ვ შეყვანა გაგრძელდება უფრო მეტი დროით. მაქსიმალური სადღეღამისო დოზა - 4 გ. ჩვენებით ხორციელდება გადასვლა შემანარჩუნებელ მიღებაზე დოზით 200-400 მგ 3-ჯერ / დღეში.პროფილაქტიკის მიზნით მოზრდილებში და ბავშვებში 12 წლის ასაკის ზემოთ ინიშნება ი/ვ წვეთოვნად 500-1000 მგ ოპერაციის წინა დღეს, ოპერაციის დღეს და მეორე დღეს - 1500 მგ / დღეში (500 მგ ყოველ 8 საათში). 1-2 დღის შემდეგ გადადიან პერორალურ შემანარჩუნებელ თერაპიაზე.12 წლამდე ასაკის ბავშვებშიინიშნება იგივე სქემით ერთჯერადი დოზით - 7.5 მგ / კგ. ჩირქოვან- სეპტიკური დაავადებებისას, როგორც წესი, ტარდება მკურნალობის 1 კურსი.რადიომასენსიბილიზებელი საშუალების სახით შეიყვანება ი/ვ წვეთოვნად, გაანგარიშებით 160 მგ / კგ ან 4.6 გ / მ 2 სხეულის ზედაპირზე 30-60 წუთით ადრე დასხივებამდე. გამოიყენება დასხივების თითოეული სეანსის წინ 1-2 კვირის განმავლობაში. სხივური თერაპიის დარჩენილ პერიოდში მეტრალინი არ გამოიყენება. მაქსიმალური ერთჯერადი დოზა არ უნდა აღემატებოდეს 10 გ, კურსობრივი - 60 გ-ს. დასხივებით გამოწვეული ინტოქსიკაციის სამკურნალოდ გამოიყენება გლუკოზის ან ნატრიუმის ქლორიდის იზოტონური ხსნარის წვეთოვანი გადასხმა.გამოყენება განსაკუთრებულ კლინიკურ შემთხვევებში:პაციენტებისათვის თირკმლის ქრონიკული უკმარისობით (CRF) და 30 მლ / წთ-ზე ნაკლები კრეატინინის კლირენსით (CC) და / ან ღვიძლის უკმარისობით მაქსიმალური სადღეღამისო დოზაა - არაუმეტეს 1000 მგ, მიღების ჯერადობა -2-ჯერ დღეში.გვერდითი მოვლენები:ალერგიული რეაქციები:ჰიპერმგრძნობელობის რეაქციები (გამონაყარი კანზე, ქავილი, ცხელება), ჭინჭრის ციება, კანის ჰიპერემია, ექსუდაციური ერითემა (მათ შორის ავთვისებიანი ექსუდაციური ერითემა ან სტივენს-ჯონსონის სინდრომი), ანგიონევროზული შეშუპება (ქვინკეს შეშუპება), ანაფილაქსიური რეაქცია.ნერვული სისტემის მხრივ:თავის ტკივილი, თავბრუსხვევა, გაღიზიანებადობა, მომატებული აგზნებადობა, სისუსტე, უძილობა, პერიფერიული ნეიროპათია (პოლინეიროპათია, ნერვის ნეიროპათია), იშვიათად (ხანგრძლივი გამოყენებისას) - კრუნჩხვები, ძილიანობა, დეპრესია, კოორდინაციის დარღვევა, ატაქსია, ცნობიერების დაბინდვა, ჰალუცინაციები.გულ-სისხლძარღვთა სისტემის მხრივ:T კბილის გაბრტყელება ელექტროკარდიოგრამაზე. სასუნთქი სისტემის მხრივ: ცხვირის გაჭედვა.საჭმლის მომნელებელი სისტემის მხრივ:ნადებიანი ენა, მწარე, მეტალის გემო პირში, პირის სიმშრალე, გლოსიტი, სტომატიტი, უმადობა, დიარეა, ანორექსია, გულისრევა, ღებინება, მუცლის მოვლითი ტკივილი, ნაწლავის კოლიკა, ყაბზობა, პანკრეატიტი, იშვიათად - ქოლესტაზი, სიყვითლე .შარდსასქესო სისტემის მხრივ:დიზურია, ცისტიტი, პოლიურია, შარდის შეუკავებლობა, კანდიდოზი, შარდის შეფერვა წითელ-ყავისფრად (იწვევს მეტრონიდაზოლის მეტაბოლიტი, არ გააჩნია კლინიკური მნიშვნელობა).ძვალ-კუნთოვანი სისტემის მხრივ:ართრალგიები.ლაბორატორიული მაჩვენებლების მხრივ:შექცევადი ნეიტროპენია და ლეიკოპენია, იშვიათად - ღვიძლის ფერმენტების აქტივობის მომატება.ადგილობრივი რეაქციები:თრომბოფლებიტი (ტკივილი, სიწითლე ან შეშუპება ინექციის ადგილზე).უკუჩვენებები:• ჰიპერმგრძნობელობა პრეპარატის მიმართ (მათ შორის ნიტრომიდაზოლის სხვა წარმოებულების მიმართ);• ლეიკოპენია (მათ შორის ანამნეზში);• ცნს ორგანული დაზიანებები (მათ შორის ეპილეფსია);• სისხლის დაავადებები;• ღვიძლის მძიმე უკმარისობა;• ორსულობა და ლაქტაციის (გადის პლაცენტაში);სიფრთხილით:• თირკმლის / ღვიძლის უკმარისობა;• ღვიძლის დაავადება (შესაძლებელია კუმულაცია);წამლების ურთიერთქმედებები:- ი/ვ გამოსაყენებელი მეტრალინის შერევა სხვა მედიკამენტებთან რეკომენდებული არ არის.- ფარმაცევტულად შეუთავსებადია: 10% გლუკოზის ხსნარი, ბენზილპენიცილინის ნატრიუმის (კალიუმის) მარილი, რინგერის ლაქტატის ხსნარი.- ფარმაცევტულად შეუთავსებადია ცეფეპიმთან - არ შეიძლება შეყვანა იმავე შპრიცით.- კარგად თავსებადია სხვა ჯგუფების ანტიბიოტიკებთან: ბეტალაქტამებთან, ქინოლონებთან, ამინოგლიკოზიდებთან და სხვა.- სულფანილამიდები და ზოგიერთი ანტიბიოტიკები აძლიერებენ მეტრალინის ანტიმიკრობულ მოქმედებას.- აზტრეონებთან ერთობლივი გამოყენებისას ვლინდება სინერგიზმი მეტრალინთან. სპარფლოქსაცინისა და მეტრალინის კომბინირებული გამოყენებისას როგორც წესი, აღინიშნება სინერგიზმი.- წარმატებით შეიძლება სპარფლოქსაცინის კომბინირებული გამოყენება მეტრალინთან ანაერობული ინფექციების დროს.- მეტრალინი ზრდის ამოქსიცილინის, ცეფაკლორის ანტიბაქტერიულ აქტივობას .- ლომეფლოქსაცინის (კომბინაციის შემადგენლობაში: ლომეფლოქსაცინი+ პირაზინამიდი+ პროტიონამიდი+ ეტამბუტოლი) კომბინირებული გამოყენებისას არ არსებობს ჯვარედინი რეზისტენტობა მეტრალინთან. ციპროფლოქსაცინი (ორმხრივად) აძლიერებს ეფექტს. ციპროფლოქსაცინის (კომბინაციის შემადგენლობაში: ციპროფლოქსაცინი + ტინიდაზოლი) კომბინირებული გამოყენებისას მეტრალინთან, როგორც წესი, აღინიშნება სინერგიზმი. შეიძლება ციპროფლოქსაცინის გამოყენება კომბინაციაში მეტრალინთან ანაერობული ინფექციების დროს. ციპროფლოქსაცინის კომბინირებული გამოყენების მეტრალინთან არ გამოვლინდა მათი პლაზმური კონცენტრაციების ცვლილებები.- მეტრალინი თრგუნავს ასტემიზოლის, ტერფენადინის მეტაბოლიზმს და ზრდის მათ კონცენტრაციებს პლაზმაში, მათი ერთდროულად გამოყენება არ შეიძლება.- დიდანოზინთან ერთდროულად გამოყენებისას, მეტრალინის ფონზე იზრდება პანკრეატიტის და პერიფერიული ნეოროპათიების განვითარების ალბათობა.- პრეპარატი აძლიერებს ანტიკოაგულანტების (ვარფარინი, აცენოკუმაროლი) მოქმედებას, რაც იწვევს პროთრომბინის ფორმირების დროის გაზრდას, ამიტომა საჭიროა პერორალური ანტიკოაგულანტების დოზის კორექცია. 24 საათით ადრე მეტრალინის ინტრავენურ შეყვანამდე სასურველია შეწყდეს პერორალური ანტიკოაგულანტების მიღება.- აცეტალდეჰიდდეჰიდროგენაზასთან ერთროულად გამოყენებისას მეტრალინი აძლიერებს ციანამიდის მოქმედებას, უნდა ვერიდოთ ამ პრეპარატების კომბინირებულად დანიშვნას. - მეტრალინის და ალკოჰოლის ერთდროული გამოყენება იწვევს დისულფირამის მსგავს რეაქციას (მუცლის მოვლითი ტკივილი, გულისრევა, ღებინება, თავის ტკივილი, კანის ჰიპერემია).ერთდროულმა გამოყენებამ დისულფირამთან (ესპერალი) შეიძლება გამოიწვიოს სხვადასხვა ნევროლოგიური სიმპტომები - ადიტიური მოქმედება, შეიძლება გამოიწვიოს ფსიქოზური მდგომარეობები, ცნობიერების აბნევა (ინტერვალი გამოყენებებს შორის - მინიმუმ 2 კვირა). ერთდროულად იმ პრეპარატების დანიშვნამ, რომლებიც ასტიმულირებს მიკროსომული დაჟანგვის ფერმენტებს ღვიძლში (ფენობარბიტალი, ფენიტოინი), შეიძლება დააჩქაროს მეტრალინის ელიმინაცია, რის შედეგადაც მცირდება მის კონცენტრაცია პლაზმაში. ციმეტიდინი თრგუნავს მეტრალინის მეტაბოლიზმს, რამაც შეიძლება გამოიწვიოს სისხლში მისი კონცენტრაციის გაზრდა (იზრდება ნახევარ-გამოყოფის პერიოდი და ქვეითდება კლირენსი) და გვერდითი მოვლენების რისკის გაზრდა.- ერთდროული მიღებისას ლითიუმის პრეპარატებთან (მაგალითად, ლითიუმის კარბონატი), შეიძლება გაიზრდოს ამ უკანასკნელის პლაზმური კონცენტრაცია და განვითარდეს ინტოქსიკაციის სიმპტომები, ამიტომ პრეპარატის გამოყენების დაწყებამდე საჭიროა ლითიუმის დოზის შემცირება ან მიღების შეწყვიტა მკურნალობის პერიოდში.- რეკომენდირებული არ არის კომბინირება არა-მადეპოლარიზებელ მიორელაქსანტებთან (ვეკურონიუმის ბრომიდი).- პრეპარატის ერთდროულად გამოყენებამ სხვა ხსნარებთან, რომლებიც შეიცავენ ნატრიუმის მარილებს, შეიძლება გამოიწვიოს ნატრიუმის შეკავება ორგანიზმში.- მეტრალინთან ერთდროულად ციკლოსპორინის შეყვანამ შეიძლება გამოიწვიოს ციკლოსპორინის დონის გაზრდა სისხლის პლაზმაში, რაც საჭიროებს ლაბორატორიულ კონტროლს (ციკლოსპორინის დონის განსაზღვრა სისხლში).- მეტრალინი ამცირებს ფტორურაცილის კლირენსს, და, შესაბამისად, ზრდის მის ტოქსიკურობას. მეტრალინი ანელებს ბიოტრანსფორმაციას, ზრდის ტეგაფურის კონცენტრაციას სისხლში, ტოქსიკური გამოვლინებების ეფექტსა და რისკს.განსაკუთრებული ინსტრუქციები:- მკაცრად აკრძალულია მეტრალინის მკურნალობის კურსის დროს ალკოჰოლური სასმელების მიღება (დისულფირამის მსგავსი რეაქციების განვითარება: მუცლის სპაზმური ტკივილი, გულისრევა, ღებინება, თავის ტკივილი, სახეში სისხლის უეცარი მიდინება).- ღვიძლის დაავადებების დროს მეტრალინის გამოყოფა ნელდება, რამაც შეიძლება გამოიწვიოს მისი კუმულაცია. ამ შემთხვევაში საჭიროა დოზის კორექცია. პაციენტებში ღვიძლის ენცეფალოპათიით ხსნარი უნდა იყოს გამოყენებული სიფრთხილით.- ასევე ინიშნება სიფრთხილით პაციენტებში, რომლებიც იღებენ კორტიკოსტეროიდებს, აქვთ მიდრეკილება შეშუპებისადმი, და ასევე ცენტრალური ნერვული სისტემის მწვავე და მძიმე დაავადებების არსებობისას.- ამოქსიცილინთან კომბინირებული გამოყენება რეკომენდებული არ არის 18 წლის ასაკამდე პაციენტებში.- ლეიკოპენიის დროს მკურნალობის გაგრძელების შესაძლებლობა დამოკიდებულია ინფექციური პროცესის განვითარების რისკზე.- პაციენტში ატაქსიის, თავბრუსხვევის და სხვა ნებისმიერი სხვა ნევროლოგიური სტატუსის გაუარესების შემთხვევაში საჭიროა მკურნალობის შეწყვეტა.- შეიძლება მოახდინოს ტრეპონემის იმობილიზაცია და გამოიწვიოს ნელსონის ცრუ დადებითი ტესტი.- ქალებში ტრიქომონადური ვაგინიტის და მამაკაცებში ტრიქომონადური ურეთრიტის მკურნალობისას საჭიროა სექსუალური აქტივობისგან თავის შეკავება. საჭიროა ერთდროულად სქესობრივი პარტნიორის მკურნალობა. მენსტრუაციის დროს მკურნალობა არ უნდა შეწყდეს. ტრიქომონოზის მკურნალობის შემდეგ უნდა ჩატარდეს საკონტროლო ტესტირება სამი თანმიმდევრული ციკლის განმავლობაში მენსტრუაციის დაწყებამდე და მას შემდეგ.- ლამბლიოზის მკურნალობის შემდეგ, თუ სიმპტომები რჩება, 3-4 კვირის შემდეგ უნდა ჩატარდეს განავლის 3 ანალიზი რამდენიმე დღის ინტერვალით (ზოგიერთ წარმატებით ნამკურნალევ პაციენტში ინვაზიით გამოწვეული ლაქტოზის აუტანლობა შეიძლება შენარჩუნდეს რამდენიმე კვირის ან თვის განმავლობაში, რაც ჰგავს ლამბლიოზის სიმპტომებს). პრეპარატმა შეიძლება შეცდომით აჩვენოს ალანინამინოტრანსფერაზას, ასპარტატამინოტრანსფერაზას, ლაქტატდეჰიდროგენაზას აქტივობის, სისხლში გლუკოზის. განსაზღვრის შედეგები.- პრეპარატის გამოყენებისას შეიძლება აღინიშნოს უმნიშვნელო ლეიკოპენია, ამიტომ თერაპიის დასაწყისში და დასასრულს მიზანშეწონილია პერიფერიულ სისხლში ლეიკოციტების რაოდენობის კონტროლი. თუ მკურნალობის ხანგრძლივობა 10 დღეზე მეტია, აუცილებელია სისხლის რეგულარული ლაბორატორიული კონტროლი.- პრეპარატის გამოყენებამ შეიძლება გაამწვავოს კანდიდოზი.- ცენტრალური ნერვული სისტემის მხრივ გვერდითი მოვლენების განვითარებისას თავი უნდა შევიკავოთ ავტომობილის მართვისა და პოტენციურად საშიშ მექანიზმებთან მუშაობისგან.გამოყენება ორსულობის და ლაქტაციის დროს:უკუნაჩვენებია (მეტრალინი გადის პლაცენტაში).მეტრალინი გამოიყოფა დედის რძეში, წარმოქმნის სისხლის პლაზმაში არსებულის ანალოგიურ კონცენტრაციას. შეიძლება მისცეს მწარე გემო დედის რძეს. იმისათვის, რომ თავიდან ავიცილოთ პრეპარატის ეფექტი ბავშვში, უნდა შეწყდეს ძუძუთი კვება მკურნალობის კურსის დროს და შეწყვეტის შემდეგ 1-2 დღის განმავლობაში.დოზის გადამეტება:სიმპტომები: გულისრევა, ღებინება, ატაქსია, რადიომასენსიბილიზებელი საშუალების სახით მიღებისას -კრუნჩხვა, პერიფერიული ნეიროპათია, ეპილეფსიური გულყრა.მკურნალობა: სიმპტომური. სპეციფიკური ანტიდოტი არ არსებობს. მეტრალინი და მისი მეტაბოლიტები კარგად გამოიყოფა ჰემოდიალიზით. პერიტონეალური დიალიზით გამოიყოფა უმნიშვნელო რაოდენობით.შენახვის პირობები:-სინათლისგან დაცულ ადგილას, არაუმეტეს 25°C ტემპერატურაზე.- შეინახეთ ბავშვებისათვის მიუწვდომელ ადგილზე.- არ გამოიყენოთ ვადის გასვლის თარიღის შემდეგ.ვარგისიანობის ვადა:2 წელი.აფთიაქიდან გაცემის პირობები:ფარმაცევტული პროდუქტის ჯგუფი II, გაიცემა ფორმა №3 რეცეპტით.მწარმოებელი:შპს «Dentafill P1yus» უზბეკეთი, ტაშკენტი, 100209, სერგელის რეგიონი, მარგიბის ქუჩა, სახლი #1, ტელ/ფაქსი: (+998 71) 231-78-00, www.dentafill.uz