თვისებები
რა არის ეს?
ბიუთი მულტივიტი 30 საღეჭი ტაბლეტი ამვილაბი - Amvilab თმა, კანი, ფრჩხილი ბიოტინი წარმოადგენს წყალში ხსნად B ჯგუფის ვიტამინს, მას ,,H’’ და სილამაზის ვიტამინსაც უწოდებენ. ბიოტინი მონაწილეობს ცილების, ცხიმების, ნახშირწყლების მეტაბოლიზმში, ფერმენტთა კომპლექსების ფორმირებაში, ხელს უწყობს ორგანიზმში ენერგიის წარმოქმნას, აუცილებელია C ვიტამინის ათვისებისთვის. ბიოტინი ერთ-ერთი ყველაზე მნიშვნელოვანი ვიტამინია თმის ზრდის და თმის ფოლიკულის განვითარებისთვის, ის განაპირობებს ბუნებრივი რეგენერაციული პროცესების მიმდინარეობას თმის ძირებში, უბრუნებს თმას ბუნებრივ ფერს და ბზინვარებას, მონაწილეობს კანის გაჯანსაღება-გაახალგაზრდავებაში, ბიოტინი არეგულირებს კანის ცხიმოვან ჯირკვალში ცხიმის სეკრეციას, შესაბამისად გავლენას ახდენს კანის და თმის ცხიმიანობის დაბალანსება - დარეგულირებაზე, ეფექტურია ეგზემის, სებორეის, დერმატიტების კომპლექსურ თერაპიაში. ბიოტინი აღადგენს და აძლიერებს ფრჩხილის სტრუქტურას, უბრუნებს მას ბუნებრივ შეფერილობას, ხელს უწყობს ჯანსაღი ზრდის პროცესს. კოლაგენი ბოჭკოვანი ცილაა, რომელსაც შეიცავს შემაერთებელი ქსოვილი. კოლაგენი არის მყესებში, იოგებში, ძვლებში, კუნთებში, სისხლძარღვებში, კანში. კოლაგენი კანს ანიჭებს სიმკვრივეს, ელასტიურობას, ეხმარება კანის უჯრედებს განახლებასა და აღდგენაში, ამცირებს ნაოჭების წარმოქმნას, აღადგენს ტენიანობას. კოლაგენის გამომუშავება მცირდება ასაკის მატებასთან ერთად, ამის გამომხატველი ნიშნებია ნაადრევი ნაოჭები, გამომშრალი სახის კანი, მოშვებული არაელასტიური კანი, სახსრების ტკივილი და სხ. კოლაგენი ასევე მნიშვნელოვანია ჯანსაღი თმის და ფრჩხილების შენარჩუნებაში. ვიტამინი C ძლიერი ანტიოქსიდანტია, ასტიმულირებს კოლაგენის გამომუშავებას და ხელს უწყობს ქსოვილების რეგენერაციას, ხელს უშლის ნაოჭების განვითარებას, აუმჯობესებს სისხლის ნაკადის, მკვებავი ნივთიერებების და ჟანგბადის მიწოდებას თმის ფოლიკულებში, შესაბამისად ხელს უწყობს თმის სწრაფად ზრდის პროცესს და ახდენს თმის ცვენის პროფილაქტიკას, მისი ნაკლებობისას კანი ბერდება, კარგავს ელასტიურობას, ჩნდება ნაოჭები. ვიტამინი E მნიშვნელოვანია ჯანსაღი კანის შენარჩუნებისთვის, მას ახალგაზრდობის და სილამაზის ვიტამინსაც უწოდებენ. ვიტამინი E მოქმედებს რეპროდუქციულ სისტემაზე, აუმჯობესებს ესტროგენების გამომუშავებას, რაც განაპირობებს ქალურ ახალგაზრდობას, ჯანმრთელობას და სილამაზეს. ის არის ყველაზე ძლიერი ვიტამინი ანტიოქსიდანტი, რომელიც იცავს უჯრედებს თავისუფალი რადიკალების მავნე ზემოქმედებისგან. E ვიტამინი მონაწილეობს კოლაგენის, ელასტინის სინთეზში, აფერხებს უჯრედების დაბერების პროცესს, ხელს უშლის ნაოჭების განვითარებას, უზრუნველყოფს თმის ბზინვარებას და ხელს უწყობს მის სწრაფ ზრდას. თუთია ერთ-ერთი მნიშვნელოვანი მიკროელემენტია, რომელიც მონაწილეობს ორგანიზმში მინდინარე მრავალ ფიზიოლოგიურ პროცესში, კერძოდ: უჯრედების დაყოფის, შენების, აღდგენის და დაცვის პროცესში, მნიშვნელოვანია ჰორმონების წარმოქმნაში, მონაწილეობს ცილების, ნახშირწყლების, ფერმენტების, ჰემოგლობინის, ინსულინის სინთეზში. თუთია უძლიერესი ანტიოქსიდანტია, იცავს უჯრედებს ოქსიდაციური სტრესისგან, მნიშვნელოვანი მიკროელემენტია იმუნური, ნერვული, ენდოკრინული, რეპროდუქციული სისტემის ნორმალური ფუნქციონირებისთვის. თუთია მონაწილეობს კანის, თმის, ფრჩხილის, ძვლოვანი ქსოვილის სტრუქტურის აღდგენა-გაჯანსაღებაში, ასტიმულირებს კოლაგენის, ელასტინის სინთეზს, უჯრედების ჰიდრატაციას და რეგენერაციას, ხელს უშლის ნაოჭების განვითარებას, ანელებს დაბერების პროცესს. თუთია ეფექტურია აკნეს, გამონაყარის, პიგმენტური ლაქების სამკურნალოდ. გამოყენების რეკომენდაციები (კომპლექსურ თერაპიაში): · თმის ცვენა, მათ შორის მედიკამენტოზური, ჰორმონალური, ორსულობის შემდგომი, თმის გადანერგვის შემდგომი პერიოდი · კანის სიმშრალე, მომატებული ცხიმიანობა, ელასტიურობის დაქვეითება · ეგზემა, ატოპიური დერმატიტი, აკნე, ფსორიაზი, სებორეა, პიგმენტური ლაქები, კანის კანდიდოზი · თმის და ფრჩხილის სტრუქტურის დაზიანება (მტვრევადობა, აშრევება) შემადგენლობა 2 საღეჭი მარმელადი შეიცავს: ბიოტინი - 2500 მკგ, ჰიდროლიზირებული კოლაგენი - 200 მგ, ვიტამინი C - 50 მგ, ვიტამინი E - 5 მგ, თუთია - 5 მგ. დამატებითი ინგრედიენტები : შაქრის ლერწამი, პექტინი, ლიმონმჟავა, ნატრიუმის ციტრატი, ქოქოსის ზეთი, კარნაუბას ცვილი. დოზირება მიიღება როგორც საკვები დანამატი 2 საღეჭი მარმელადი დღეში, მკურნალობის ხანგრძლივობა 2 - 3 თვე, ან ექიმის რეკომენდაციის მიხედვით. საკვები დანამატი არ ცვლის სრულფასოვან და დაბალანსებულ კვებას. არ წარმოადგენს მედიკამენტს. გაფრთხილება : ორსულობის და ლაქტაციის პერიოდში, 18 წლამდე ასაკის ბავშვებში გამოიყენება ექიმის რეკომენდაციით. შეინახეთ გრილ, მშრალ ბავშვებისთვის მიუწვდომელ ადგილას. გამოშვების ფორმა: N30 საღეჭი მარმელადი ლიმონის არომატით. მწარმოებელი: ამვილაბი - აშშ. Amvilab თანამედროვე ბაზარზე ერთ-ერთი წამყვანი ამერიკული ბრენდია, რომელიც საკვები დანამატების წარმოებაზეა ორიენტირებული. 30 წელზე მეტია, მისი სახელის ქვეშ მოიაზრება ხარისხი, ინოვაცია და სტანდარტების დაცვა.