თვისებები
რა არის ეს?
რეპარონი® მალამო E.Coli მკვდარი ბაქტერიული კულტურის წყალზე დამზადებული სუსპენზია პრეპარატის მიღების წინ ყურადღებით წაიკითხეთ ეს ინსტრუქცია, ვინაიდან ის შეიცავს თქვენთვის მნიშვნელოვან ინფორმაციას. ყოველთვის მიიღეთ ეს პრეპარატი ინსტრუქციის მიხედვით ან ექიმის ან ფარმაცევტის დანიშნულებით • შეინახეთ ეს ჩანართი ფურცელი. შესაძლებელია თქვენ ხელმეორედ დაგჭირდეთ მისი წაკითხვა. • თუ თქვენ გაგიჩნდებათ დამატებითი კითხვები, მიმართეთ რჩევისათვის ფარმაცევტს. • გვერდითი მოვლენების განვითარების შემთხვევაში მიმართეთ ექიმს, ფარმაცევტს ან მედდას. აღნიშნული შეეხება ნებისმიერ გვერდით მოვლენას, რომელიც არ არის მოცემული ამ ინსტრუქციაში. იხ. პუნქტი 4. • თუ რამოდენიმე დღეში თქვენი მდგომარეობა არ გაუმჯობესდა, ან გაუარესდა, მიმართეთ ექიმს. ინსტრუქციის შინაარსი: 1. რა არის რეპარონი მალამო და რისთვის გამოიყენებენ მას. 2. რეპარონი მალამოს გამოყენებამდე. 3. როგორ გამოიყენება რეპარონი მალამო. 4. შესაძლო გვერდითი ეფექტები. 5. როგორ უნდა იქნას შენახული რეპარონი მალამო. 6. შეფუთვის შიგთავსი და სხვა ინფორმაცია. 1. რა არის და რისთვის გამოიყენება რეპარონის მალამო რეპარონის მალამო აქტიური კომპონენტის სახით შეიცავს მკვდარ ბაქტერიული კულტურის სუსპენზიას (ფენოლის და მისი მეტაბოლიტების საშუალებით დახოცილი Escherichia coli ბაქტერიების მყარი ელემენტები). ბაქტერიული კულტურის სუსპენზიის ზემოქმედება კანსა და ლორწოვან გარსზე იწვევს იმუნური პასუხის (ორგანიზმის ინფექციებისგან დაცვა) სტიმულაციას, აძლიერებს ქსოვილების ბუნებრივ დაცვით მექანიზმებს, ამცირებს ინფექციების მიმართ მგრძნობელობას და ხელს უწყობს ჭრილობის შეხორცებას. რეპარონის მალამო გამოიყენება ბუასილის (ჰემოროიდული დაავადება) და მისი გართულებების სამკურნალოდ, როგორიცაა ტკივილი, ქავილი, ეგზემა (კანის ანთება, რომელსაც ახასიათებს ქავილი, სითხით სავსე წვრილი ბუშტუკების წარმოქმნა), ნახეთქები ანუსის გარშემო. იხილეთ ბლოგი: რეპარონი — როგორ მოქმედებს პრეპარატი ბუასილის დროს? 2. რეპარონის მალამოს გამოყენებამდე არ გამოიყენოთ რეპარონის მალამო: - თუ თქვენ ხართ ალერგიული E.ცოლი მკვდარი ბაქტერიული კულტურის წყალზე დამზადებული სუსპენზიის ან პრეპარატის შემადგენლობაში შემავალი რომელიმე ინგრედიენტის მიმართ (ჩამოთვლილია პუნქტში 6). გაფრთხილებები და სიფრთხილის ზომები რეპარონის მალამოს გამოყენებამდე მიმართეთ თქვენს ექიმს ან ფარმაცევტს. სხვა სამკურნალო საშუალებები და რეპარონი მალამო შეატყობინეთ თქვენს ექიმს ან ფარმაცევტს თქვენს მიერ ამჟამად ან ახლო წარსულში მიღებული ნებისმიერი სხვა პრეპარატის, მათ შორის ურეცეპტოდ შეძენილის შესახებ. თუ თქვენ სწორად იყენებთ რეპარონის მალამოს, სხვა წამლებთან ურთიერთქმედება არ არის მოსალოდნელი. რეპარონის მალამოს პრეზერვატივთან ერთად გამოყენებამ შეიძლება დააქვეითოს პრეზერვატივის დამცველობითი უნარი. ორსულობისა და ლაქტაციის პერიოდი თუ ხართ ორსულად ან ბავშვსს კვებავთ ძუძუთი, ვარაუდობთ რომ ხარათ ორსულად ან გეგმავთ დაორსულებას, ამ პრეპარატის გამოყენებამდე რჩევისთვის მიმართეთ ექიმს ან ფარმაცევტს. ორსულობისა და ლაქტაციის პერიოდში რეპარონის მალამოს გამოყენებასთან დაკავშირებით კლინიკური მონაცემები არ არსებობს. იქიდან გამომდინარე, რომ პროდუქტში კონსერვანტის სახით არსებული ფენოლის შემცველობა, აქამდე გამოყენებულ ხსნარებთან შედარებით, საკმაოდ დაბალია, ორსულობის და ლაქტაციის დროს არც დედისთვის და არც ბავშვისთვის საფრთხე მოსალოდნელი არაა. სატრანსპორტო საშუალებების და მექანიზმების მართვა არ არის მოსალოდნელი რეპარონის მალამოს უარყოფითი მოქმედება სატრანსპორტო საშუალებების ან სხვა მექანიზმების მართვის უნარზე. რეპარონის მალამო შეიცავს ლანოლინს მალამო შეიცავს ლანოლინს, რამაც შეიძლება გამოიწვიოს ადგილობრივი გაღიზიანება (მაგ. კონტაქტური დერმატიტი). 3. როგორ გამოიყენება რეპარონი მალამო. ყოველთვის გამოიყენეთ ეს პრეპარატი ინსტრუქციის მიხედვით ან ექიმის და ფარმაცევტის დანიშნულების მიხედვით. თუ რამეში არ ხართ დარწმუნებული, დაუკავშირდით თქვენს ექიმს ან ფარმაცევტს. ყოველთვის გამოიყენეთ რეპარონის მალამო მკაცრად, ექიმის დანიშნულების მიხედვით. რაიმე ეჭვის შემთხვევაში მიმართეთ თქვენს ექიმს ან ფარმაცევტს. რეპარონის მალამო განკუთვნილია მხოლოდ გარეგანი გამოყენებისთვის. თუ ექიმისგან სხვა მითითება არ გაქვთ, მალამო წაისვით ანუსის პერიფერიაზე დეფეკაციისა და დაბანის შემდეგ, ან მალამოს მცირე რაოდენობა (დაახლოებით ლობიოს მარცვლისოდენა) აპლიკატორის მეშვეობით შეიყვანეთ სწორ ნაწლავში. გამოყენების შემდეგ, აუცილებლად დაახურეთ დამცავი ხუფი. მოარიდეთ მალამო თვალის არეს, პირსა და პირის ლორწოვან გარსს. ყოველი გამოყენების შემდეგ დაიბანეთ ხელები. ზემოთ აღნიშნულ ადგილებზე მოხვედრის შემთხვევაში, მალამო ჩამოიბანეთ წყლით. მალამომ შეიძლება საცვლების დალაქავება გამოიწვიოს, ამიტომ რეკომენდებულია საფენების გამოყენება. ასაკოვანი პაციენტები (65 წლის ზემოთ) ასაკოვანმა პაციენტება მალამო უნდა გამოიყენონ ჩვეულებრივი წესით. ბავშვები და მოზარდები 18 წლამდე ასაკის პირებში მალამოს გამოყენება იზღუდება. თუ თქვენ გამოიყენეთ რეპარონის მალამო დანიშნულზე მეტი რაოდენობით დოზის გადაჭარბების ან ინტოქსიკაციის არცერთი შემთხვევა არ არის დაფიქსირებული. პრეპარატის გადაყლაპვამ (მაგ. ბავშვების მიერ) შეიძლება გამოიწვიოს კუჭ-ნაწლავის ტრაქტის გაღიზიანება (მუცლის ტკივილი, გულისრევა). დოზის გადაჭარბებაზე ეჭვის შემთხვევაში დაუყოვნებლივ მიმართეთ ექიმს! თუ თქვენ დაგავიწყდათ რეპარონის მალამოს გამოყენება ნუ გამოიყენებთ ორმაგ დოზას გამოტოვებულის ანაზღაურების მიზნით. მკურნალობა გააგრძელეთ დანიშნულების მიხედვით. თუ თქვენ შეწყვიტეთ რეპარონის მალამოს გამოყენება თუ თქვენ შეწყვეტთ რეპარონის მალამოს გამოყენებას რეკომენდირებულ დროზე ადრე, შეიძლება სიმპტომები გაუარესდეს. მკურნალობის ხანგრძლივობის დასაზუსტებლად მიმართეთ თქვენს ექიმს. პრეპარატის გამოყენების შესახებ დამატებითი კითხვების შემთხვევაში, მიმართეთ თქვენს ექიმს ან ფარმაცევტს. 4. შესაძლო გვერდითი მოვლენები ყველა სხვა პრეპარატის მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა ისინი არ ვლინდება ყველა პაციენტში. იშვიათი გვერდითი მოვლენები (შეიძლება გამოვლინდეს 1000-დან 1-ზე ნაკლებ პაციენტში): იშვიათად აღინიშნება კანის ჰიპერსენსიტიური (ალერგიული) რეაქციები (მაგალითად, ქავილი, ჭინჭრის ციება). ჭინჭრის ციების შემთხვევაში აუცილებლად შეწყვიტეთ პრეპარატის გამოყენება და რჩევისთვის მიმართეთ ექიმს. თუ გამონაყარი ძლიერია და მთელი სხეულის ზედაპირზე ვრცელდება, დაუყოვნებლივ მიმართეთ ექიმს მძიმე სიმპტომების თავიდან ასაცილებლად! გვერდითი მოვლენები, რომელთა სიხშირეც უცნობია (არსებულ მონაცემებზე დაყრდნობით შეფასება შეუძლებელია): პრეპარატმა შეიძლება გამოიწვიოს გარდამავალი სიწითლე, ქავილი, კანის აქერცვლა გამოყენების ადგილას. აღნიშნული სიმპტომების განვითარების შემთხვევაში, შეწყვიტეთ მალამოს გამოყენება და მიმართეთ ექიმს. რეპარონის მალამოს სწორად გამოყენებისას სხვა არასასურველი ეფექტი არ არის მოსალოდნელი. 5. როგორ უნდა იქნას შენახული რეპარონი მალამო. შეინახეთ ბავშვებისთვის მიუწვდომელ ადგილას. შეინახეთ არაუმეტეს 25℃ ტემპერატურის პირობებში. ნუ გამოიყენებთ რეპარონის მალამოს კოლოფზე მითითებული ვარგისობის ვადის გასვლის შემდეგ. ვარგისობის ვადა გულისხმობს მითითებული თვის ბოლო რიცხვს. ნუ გამოიყენებთ რეპარონის მალამოს, თუ შეამჩნიეთ დაზიანების რაიმე ნიშანი (მაგალითად, ფერის შეცვლა). სამედიცინო პრეპარატებს ნუ გაატანთ კანალიზაციის წყალს და ნუ გადაყრით საოჯახო ნაგავთან ერთად. გამოუყენებელი პრეპარატების გადაყრის საშუალებების შესახებ რჩევისთვის მიმართეთ თქვენს ფარმაცევტს. საჭირო ზომების მიღებით თქვენ დაიცავთ გარემოს დაბინძურებისგან. 6. შეფუთვის შიგთავსი და დამატებითი ინფორმაცია. რას შეიცავს რეპარონის მალამო - აქტიური ნივთიერება: 1 გრამი მალამო შეიცავს E.Coli (სტერილური) 330.4 მილიონ ვაქცინას. - დამხმარე ინგრედიენტებია: თხევადი ფენოლი, თეთრი ცვილი, ლანოლინი, გამოხდილი წყალი, რბილი ყვითელი პარაფინი. როგორ გამოიყურება რეპარონის მალამო და რა შედის შეფუთვაში მოყვითალო თეთრი ფერის, დამახასიათებელი მოტკბო სუნის მქონე, ჰომოგენური, ზეთოვანი მალამო. კოლოფში მოთავსებულია 25გ, 30გ, 40გ მალამოს შემცველი ერთი ალუმინის ტუბი, რომელიც დაფარულია ეპოქსიდურ-ფენოლური დამცავი ლაქით და დახუფულია თეთრი პოლიეთილენის თავსახურით. ყოველ კოლოფში დევს ერთი ტუბი და მასზე დამაგრებული ერთი პლასტმასის აპლიკატორი.