თვისებები
- ფორმა
- suspenzia saineqcio
- დოზა მგ
- 40
- შეფუთვა
- 5
რა არის ეს?
შემადგენლობა: 1მლ სუსპენზია შეიცავს 40მგ ტრიამცინოლონის აცეტონიდს. დამხმარე ნივთიერებები: ნატრიუმის კარმელოზა, ნატრიუმის ქლორიდი, ბენზილის სპირტი, პოლისორბატ 80, საინექციო წყალი.გამოყენების ჩვენებები: კენალოგი 40–ტრიამცინოლონის აცეტონიდის წყლიანი სუსპენზია, პროლონგირებული მოქმედებით, სისტემური და ადგილობრივი გამოყენებისათვის. ის სინთეზური კორტიკოსტეროიდია, რომელიც ახდენს ანთების საწინააღმდეგო, იმუნოსუპრესიულ, ქავილის საწინააღმდეგო და ანტიალერგიულ მოქმედებას. პრეპარატი არ იწვევს არტერიულ ჰიპერტენზიას. ჰიპოფიზზე მისი დამთრგუნველი მოქმედება რამდენადმე სუსტია იმავე დოზებით სხვა კორტიკოსტეროიდებთან შედარებით.უკუჩვენებები: ჰიპერმგრძნობელობა ტრიამცინოლონის, ან პრეპარატის ნებისმიერი სხვა კომპონენტის მიმართ. სისტემური სოკოვანი ინფექციებისას, კორტიკოსტეროიდები უკუნაჩვენებია. კორტიკოსტეროიდები ინტრამუსკულარული გამოყენებისათვის უკუნაჩვენებია იდიოპათიური თრომბოციტოპენიური პურპურისას. ქვემოთ ჩამოთვლილი უკუჩვენებები შეფარდებითია, დამოკიდებულია მკურნალობის დაგეგმილ ხანგრძლივობაზე და შეყვანის გზებზე–სისტემური თუ ადგილობრივი–და უმთავრესად გამაფრთხილებელი ან პრევენციული ხასიათი აქვს. აქტიური ანთება: კორტიკოსტეროიდებმა შეიძლება დააქვეითონ ორგანიზმის პასუხი ინფექციებზე და გაააქტიურონ ან გამოიწვიონ ადგილობრივი ან სისტემური ინფექციების, სისტემური სოკოვანი დაავადებების გამწვავება, გაააქტიურონ ანტიბიოტიკებით არაკონტროლირებადი ინფექციები, ასევე გაააქტიურონ ლატენტური ტუბერკულოზი ან გააღრმავონ ტუბერკულოზის კლინიკური გამოვლინება. დიაბეტი: კორტიკოსტეროიდებით მკურნალობისას, შესაძლოა გართულდეს კონტროლი დაავადების მიმდინარეობაზე. ოსტეოპოროზი: კორტიკოსტეროიდებით ხანგრძლივი თერაპიისას, ოსტეოპოროზის მოვლენები შეიძლება გაძლიერდეს, განსაკუთრებით ხანდაზმულ პაციენტებში, ხერხემლის კომპრესიული დაზიანების საშიშროების განვითარებამდეც კი. მიოპათია: ანამნეზში კორტიკოსტეროიდებით ინდუცირებული პროქსიმალური მიოპათიის არსებობა წარმოადგენს წინააღმდეგჩვენებას ამ გვერდითი ეფექტის განვითარების განსაკუთრებული რისკის გამო. კორტიკოსტეროიდების მოხსნის შემდეგ, მიოპათია ჩვეულებრივ ქრება რამდენიმე თვის განმავლობაში. ამ გვერდითი ეფექტის განვითარების რისკი უმთავრესად ბავშვებშია. პეპტიური წყლული: პეპტიური წყლულის განვითარება გარკვეულწილად შეიძლება დაკავშირებული იყოს კორტიკოსტეროიდების გამოყენებასთან, ამასთან, არსებობს პერფორაციის ან სისხლდენის განვითარების რისკი. პაციენტებს, რომლებიც დამატებით ღებულობდნენ არასტეროიდულ ანთების საწინააღმდეგო პრეპარატებს, აქვთ მაღალი რისკი. ფსიქოზი: ანამნეზში პარანოიის და დაპრესიის მქონე პაციენტებში, მოცემული პრეპარატის მიღებამ შეიძლება გაზარდოს სუიციდის რისკი. ქსოვილოვანი რეპარაცია: ქსოვილოვანი რეპარაციის შენელება შეიძლება მნიშვნელოვანი იყოს ახალი ნაწლავური ანასთომოზების მქონე პაციენტებში. ვაქცინაცია: პაციენტები, რომლებიც ღებულობენ კორტიკოსტეროიდებს, არ უნდა აიცრან ყვავილზე. ნებისმიერი სხვა ვაქცინაცია არ უნდა ჩაუტარდეთ პაციენტებს, რომლებიც ღებულობენ კორტიკოსტეროიდების მაღალ დოზებს, რადგან შესაძლებელია ნევროლოგიური გართულებები ან ანტისხეულების არასაკმარისი გამომუშავება. ტრიამცინოლონის აცეტონიდის დანიშვნა ინტრამუსკულარული ინექციების სახით 6 წლამდე ბავშვებში, ან სახსარშიდა ინექციის სახით, ან დაზიანების უბანზე ინექციის სახით 12 წლამდე ასაკის ბავშვებში არ არის რეკომენდებული მკაცრი ჩვენებების გარეშე. კორტიკოსტეროიდების ადგილობრივი გამოყენება (შედარებით) უკუნაჩვენებია: ისეთი დაზიანებებისას, როგორიცაა იმპეტიგო, კანის ტრიქოპიტია და მარტივი ჰერპესი;უახალშობილებში; ჩვეულებრივი ფერიმჭამელებისას; როზაცეის დროს; ტროფიკული წყლულების დროს.მიღების წესი და დოზირება: ტრიამცინოლონის დოზირების სქემა ვარიაბილურია და შერჩეული უნდა იქნას ინდივიდუალურად, დაავადებისგან და ჩატარებულ მკურნალობაზე პაციენტის პასუხიდან გამომდინარე. საჭიროა კორტიკოსტეროიდების მინიმალური დოზების დანიშვნა, მკურნალობის ერთდოული კონტროლით. დოზის შემცირების აუცილებლობისას, საჭიროა მისი თანდათან შემცირება.შენახვის პირობები და ვადა: ინახება არაუმეტეს 25C ტემპერატურის პირობებში, დაუშვებელია გაყინვა. ინახება ვერტიკალურ მდგომარეობაში, ბავშვებისთვის მიუწვდომელ ადგილას.ვარგისიანობის ვადა: 3 წელი. არ გამოიყენება შეფუთვაზე მითითებული ვადის გასვლის შემდეგ.გაცემის პირობები: რეცეპტით