Димедрол 0.05 г 10 таблеток

Характеристики

Форма

Dosage mg

Упаковка

Активные

diphenhydramine

Что это?

დიმედროლი-დარნიცა (DIMEDROL-DARNYTSIA) შემადგენლობა:  მოქმედი ნივთიერება: diphenhydramine; 1 ტაბლეტი შეიცავს 50 მგ დიფენჰიდრამინის ჰიდროქლორიდს; დამხმარე ნივთიერებები: კარტოფილის სახამებელი, ლაქტოზას მონოჰიდრატი, სტეარინის მჟავა. წამლის ფორმა. ტაბლეტები. ძირითადი ფიზიკო-ქიმიური მახასიათებლები: თეთრი ფერის, ბრტყელცილინდრული ფორმის ტაბლეტები, ნაზოლითა და გამყოფი ხაზით. ფარმაკოთერაპიული ჯგუფი.  სისტემური გამოყენების ანტიჰისტამინური საშუალებები. ამინოალკილური ეთერები. დიფენჰიდრამინი. ათქ კოდი R06A A02. ფარმაკოლოგიური თვისებები. ფარმაკოდინამიკა. ანტიჰისტამინური საშუალება. ბლოკავს H1-ჰისტამინურ რეცეპტორებს ჰისტამინის ეფექტების მოშორებით: ამცირებს ან ახდენს სისხლძარღვების, ნაწლავის, ბრონქებისა და ბრონქიოლების გლუვი მუსკულატურის სპაზმების, კაპილარების მაღალი გამტარობის, ქსოვილების შეშუპების, ქავილისა და ჰიპერემიის პრევენციას. დიმედროლის ანტიჰისტამინური მოქმედება უფრო გამოხატულია სისხლძარღვების ადგილობრივი რეაქციების მიმართ ანთების და ალერგიის დროს, ვიდრე სისტემურების მიმართ (არტერიული წნევის დაწევა). ახდენს ადგილობრივ მაანესთეზირებელ მოქმედებას (შიგნით მიღებისას იწვევს პირის ღრუს ლორწოვანი გარსების ხანმოკლე დაბუჟების შეგრძნებას), გააჩნია სპაზმოლიზური, განგლიომაბლოკირებელი და ცენტრალური ქოლინოლიზური აქტივობა. ახდენს სედაციურ, საძილე (განმეორებითი მიღებებისას უფრო გამოხატულს) და ზომიერად გამოხატულ გულისრევის საწინააღმდეგო მოქმედებას. ზეგავლენა ცენტრალურ ნერვულ სისტემაზე განპირობებულია ტვინის H3-ჰისტამინური რეცეპტორების დაბლოკვით და ცენტრალური ქოლინერგიული სტრუქტურების დათრგუნვით. უფრო ეფექტურია ჰისტამინის ლიბერატორებით (ტუბოკურარინი, მორფინი, სომბრევინი) განპირობებული ბრონქოსპაზმისას, და ნაკლებად აქტიურია ალერგიული ბრონქოსპაზმის დროს. ფარმაკოკინეტიკა. შიგნით მიღებისას სწრაფად და კარგად შეიწოვება კუჭ-ნაწლავის ტრაქტში. სისხლის პლაზმის ცილებთან შეერთება 98-99% შეადგენს. სისხლის პლაზმაში მაქსიმალური კონცენტრაცია მიიღწევა 1-4 საათში პერორალურად მიღებიდან. შეყვანილი დოზის უმეტესი ნაწილი ძირითადად მეტაბოლიზდება ღვიძლში დიფენილმეტოქსიძმარმჟავას წარმოქმნით, მცირე ნაწილი - უცვლელი სახით გამოიყოფა თირკმელებით. კარგად ნაწილდება ორგანიზმში, აღწევს ჰემატოენცეფალურ ბარიერში, გადადის დედის რძეში, რამაც შეიძლება გამოიწვიოს სედაციური ეფექტი ბავშვებში ლაქტაციის დროს. ნახევარგამოყოფის პერიოდი 2-8 საათს შეადგენს. ექსკრეტირდება თირკმელებით უპირატესად უცვლელი სახით 24-48 საათის განმავლობაში. სამკურნალო საშუალების ეფექტი ვითარდება ვენაში შეყვანიდან 15-30 წუთში, მაქსიმალური ეფექტი აღინიშნება 1-3 საათში. მოქმედების ხანგრძლივობა - 4-დან 6 საათამდეა. იხილეთ ბლოგი: დიმედროლი — მედიკამენტი, რომელიც ალერგიულ და ნევროლოგიურ სიმპტომებს ამსუბუქებს კლინიკური მახასიათებლები. ჩვენებები. ალერგიული რეაქციების სამკურნალოდ: ჭინჭრის ციება, თივის ცხელება (პოლინოზი), ანგიონევროზული შეშუპება, შრატისმიერი დაავადება, კონტაქტური დერმატიტი, მულტიფორმული ექსუდაციური ერითემა, ეგზემა, კანის ქავილი, ჰემორაგიული ვასკულიტი (კაპილაროტოქსიკოზი), ვაზომოტორული რინიტი, რესპირატორული ალერგოზი, მწვავე ირიდოციკლიტი. თვალების ალერგიული დაავადებები (კონიუნქტივიტი). ალერგიული გართულებების პროფილაქტიკისა და მკურნალობისთვის სამკურნალო საშუალებების (ანტიბიოტიკების, ფერმენტების) გამოყენების გამო,  სისხლის ან სისხლის შემცვლელების გადასხმის დროს განვითარებული გვერდითი ეფექტების დასუსტების მიზნით. ქორეა, ზღვისა და ჰაერის დაავადებები, მენიერის დაავადება. როგორც დამამშვიდებელი და საძილე საშუალება ნევროზის, ნევრასთენიის, უძილობის დროს. უკუჩვენებები. ჰიპერმგრძნობელობა სამკურნალო საშუალების კომპონენტების ან სხვა ანტიჰისტამინური საშუალებების მიმართ; ბრონქული ასთმის შეტევა, ფეოქრომოციტომა, ეპილეფსია, ხანგრძლივი QT ინტერვალის სინდრომი ან პრეპარატების ხანგრძლივად მიღება, რომლებსაც QT-ინტერვალის გახანგრძლივება და/ან torsade de pointes გამოწვევა შეუძლიათ. პორფირია. დახურულკუთხოვანი გლაუკომა, წინამდებარე ჯირკვლის ჰიპერპლაზია, კუჭისა და თორმეტგოჯა ნაწლავის სტენოზირებადი წყლულოვანი დაავადება, პილოროდუოდენალური ობსტრუქცია, შარდის ბუშტის ყელის სტენოზი, ბრადიკარდია, გულის რითმის დარღვევა, გულით უეცარი სიკვდილის შემთხვევები ოჯახურ ანამნეზში, ელექტროლიტების მნიშვნელოვანი დისბალანსი (ჰიპოკალიემია, ჰიპომაგნიემია). ურთიერთქმედება სხვა სამკურნალო საშუალებებთან და ურთიერთქმედების სხვა სახეობები. დიმედროლი აძლიერებს ეთანოლის და ცენტრალური ნერვული სისტემის დამთრგუნველი საშუალებების: ნეიროლეფსიურების, ტრანკვილიზატორების, საძილე, ანალგეზიურების, ნარკოტიკული საშუალებების მოქმედებას. მონოამინოოქსიდაზას (მაო) ინჰიბიტორები აძლიერებენ დიმედროლის ანტიქოლინერგიულ აქტივობას. მაო ინჰიბიტორების და დიმედროლის ერთად გამოყენებამ შეიძლება გამოიწვიოს არტერიული წნევის მომატება, ასევე იმოქმედოს ცენტრალურ ნერვულ სისტემაზე და სასუნთქ სისტემაზე. სამკურნალო საშუალების გამოყენება უნდა მოხდეს ფრთხილად მაო-ს გამოყენების დროს ან მაო-ს გამოყენების შეწყვეტიდან 2 კვირის განმავლობაში. მოერიდეთ ელექტროკარდიოგრაფიაზე (ეკგ) QT ინტერვალის გამახანგრძლივებელ სამკურნალო საშუალებებთან კომბინირებას, როგორებიც არის Ia და III კლასის ანტიარითმიული საშუალებები.  ვინაიდან დიფენჰიდრამინი გარკვეულ ანტიმუსკარინულ მოქმედებას ახდენს, ზოგიერთი ანტიქოლინერგიული პრეპარატის (მაგალითად, ატროპინი, ტრიციკლური ანტიდეპრესიულები) ზემოქმედება შეიძლება გაძლიერდეს, ამიტომ ასეთ სამკურნალო საშუალებებთან ერთად დიფენჰიდრამინის გამოყენებამდე მიმართეთ ექიმს. ფსიქომასტიმულირებლებთან ერთად დანიშვნისას ანტაგონისტური ურთიერთქმედება აღინიშნება.  მოწამვლის მკურნალობისას ამცირებს აპომორფინის, როგორც გულისრევის საწინააღმდეგო საშუალების, ეფექტურობას. აძლიერებს მ-ქოლინომაბლოკირებელი აქტივობის მქონე სამკურნალო საშუალებების ანტიქოლინერგიულ ეფექტებს.   არ შეიძლება დიმედროლის შემცველ, კერძოდ, ადგილობრივი გამოყენების სამკურნალო საშუალებებთან ერთად გამოყენება.  ანალეფსიურებთან კომბინირებისას იძრდება კრუნჩხვების განვითარების რისკი. დიმედროლის ტრიციკლურ ანტიდეპრესიულებთან ერთად გამოყენებისას შესაძლებელია მისი მ-ქოლინომაბლოკირებელი მოქმედების გაძლიერება, რამაც შეიძლება გამოიწვიოს თვალშიდა წნევის მომატება გლაუკომის დროს.  დიმედროლის ჰიპოტენზიურ სამკურნალო საშუალებებთან ერთად გამოყენებასას შეიძლება გაძლიერდეს დაღლილობის შეგრძნება. დიმედროლი - P450 CYP2D6 ციტოქრომის იზოფერმენტის ინჰიბიტორია. ამგვარად, შესაძლებელია ურთიერთქმედება წამლებთან, რომელთა ათვისება უპირატესად ხდება CYP2D6 მიერ, როგორებიც არის მეტოპროლოლი და ვენლაფაქსინი. დიმედროლი არ უნდა მიიღონ პაციენტებმა, რომლებიც აღნიშნულიდან რომელიმე სამკურნალო საშუალებას იღებენ.  გამოყენების თავისებურებანი. დიმედროლი სიფრთხილით ინიშნება ავადმყოფებში მიასთენიით ან კრუნჩხვებით. სიფრთხილით გამოიყენება ჰიპერთირეოზით დაავადებულების სამკურნალოდ, ავადმყოფებში ფილტვების ქრონიკული ობსტრუქციული დაავადებებით, თვალშიდა წნევით, გულ-სისხლძარღვთა სისტემის დაავადებებით, ასევე ხანდაზმულებში თავბრუსხვევის, სედაციისა და არტერიული ჰიპოტენზიის განვითარების დიდი ალბათობის გამო. სამკურნალო საშუალებამ შეიძლება განაპირობოს თვალების სიმშრალე და შექმნას დისკომფორტი კონტაქტური ლინზების ტარებისას. დიმედროლის გამოყენება უკავშირდება QT ინტერვალის გახანგრძლივებას ელექტროკარდიოგრამაზე. პოსტმარკეტინგული მეთვალყურეობის დროს იყო QT ინტერვალის გახანგრძლივებისა და torsade de pointes შემთხვევები, დაკავშირებული ჭარბ დოზასთან. თუ პაციენტს განუვითარდა ნიშნები ან სიმპტომები, რომლებიც შეიძლება დაკავშირებული იყოს გულის არითმიასთან, მკურნალობა უნდა შეწყდეს და საჭიროა დაუყოვნებლივ სამედიცინო დახმარებისთვის მიმართვა. პაციენტებისთვის უნდა იქნას მიცემული რეკომენდაცია გულის მხრივ ნებისმიერი სიმპტომის შესახებ დაუყოვნებლივ შეტყობინება.  დიმდროლი გამოყენებული უნდა იქნას ყველაზე მცირე დროის განმავლობაში. ხშირი გამოყენებისას შეიძლება განვითარდეს ტოლერანტობა და/ან დამოკიდებულება. სამკურნალო საშუალება არ მიიღოთ მიყოლებით 7 დღეზე მეტ ხანს ექიმთან კონსულტაციის გარეშე. უძილობის გაგრძელების შემთხვევაში მიმართეთ ექიმს, ვინაიდან უძილობა შეიძლება იყოს სერიოზული ძირითადი დაავადების სიმპტომი. იყო შეტყობინებები  დიმედროლის გამოყენებისას მოზარდების ან ახლგაზრდების მიერ რეკრიაციული მიზნებით ბოროტად გამოყენების და დამოკიდებულების შემთხვევების შესახებ, ასევე ფსიქიკური დარღვევების მქონე პაციენტების მიერ და/ან ბოროტად გამოყენების შემთხვევებით ანამნეზში. ბოროტად გამოყენების გამომწვევი ნიშნების ან სიმპტომების განვითარება უნდა გაკონტროლდეს.  მოერიდეთ სხვა ანტიჰისტამინური პრეპარატების გამოყენებას, ადგილობრივი ანტიჰისტამინური პრეპარატების და ხველისა და გაციების საწინააღმდეგო წამლების ჩათვლით. სიფრთხილით გამოიყენება პაციენტებში ცოტახნის წინ გადატანილი რესპირატორული დაავადებებით ანამნეზში (ბრონქული ასთმის, ბრონქიტის ჩათვლით), არტერიული ჰიპოტენზიით. სამკურნალო საშუალებამ შეიძლება გააძლიეროს ფილტვების ობსტრუქციული დაავადებების, გულ-სისხლძარღვთა მძიმე დაავადებების, ილეუსის მიმდინარეობა, სანაღვლე გზების ობსტრუქციისას მდგომარეობა. დიმედროლმა შეიძლება გამოიწვიოს შენელება, ასევე გამოიწვიოს აგზნებულობა და ჰალუცინაციები, კრუნჩხვები, განსაკუთრებით ჭარბი დოზისას. სიფრთხილით უნდა დაინიშნოს პაციენტებში ღვიძლისა და თირკმელების ფუნქციის დარღვევებით. პაციენტებში ღვიძლის ზომიერი და მძიმე უკმარისობით, თირკმლის ზომიერი და მძიმე უკმარისობით შეიძლება საჭირო გახდეს დოზის შემცირება. პრეპარატით მკურნალობის პერიოდში უკუნაჩვენებია ალკოჰოლური სასმელების მიღება, უნდა მოერიდოთ უი-გამოსხივებას. დიმედროლის როგორც გულისრევის საწინააღმდეგო საშუალების გამოყენებამ შეიძლება გაართულოს აპენდიციტის დიაგნოსტიკა და სხვა სამკურნალო საშუალებების ჭარბი დოზის სიმპტომების ამოცნობა.  პაციენტებმა გალაქტოზას აუტანლობის იშვიათი მემკვიდრეობითი პრობლემებით, ლაქტაზას დეფიციტით ან გლუკოზა-გალაქტოზას მალაბსორბციით, დიმედროლი არ უნდა მიიღონ.  გამოყენება ორსულობის და ლაქტაციის პერიოდში. დიმედროლი უკუნაჩვენებია ორსულობის პერიოდში, ვინაიდან მისი გამოყენების უსაფრთხოებისა და ეფექტურობის ადეკვატური მონაცემები არ არსებობს. სამკურნალო საშუალების გამოყენების აუცილებლობის შემთხვევაში ლაქტაცია უნდა შეწყდეს. ლაქტაციის პერიოდში დიმედროლის გამოყენებამ შეიძლება გამოიწვიოს ცენტრალური ნერვული სისტემის პარადოქსული სტიმულირება ბუნებრივ კვებაზე მყოფი ასაკის ბავშვებში. ზეგავლენის უნარი ავტოსატრანსპორტო საშუალებების ან სხვა მექანიზმების მართვისას რეაქციის სისწრაფეზე. მკურნალობის პერიოდში თავი შეიკავეთ პოტენციურად საშიში საქმიანობისგან, რომელიც მოითხოვს ყურადღების მაღალ კონცენტრაციას და სწრაფ ფსიქომოტორულ რეაქციებს (სატრანსპორტო საშუალებების, მექანიზმების მართვა). გამოყენების წესი და დოზები.  მოზრდილ პაციენტებში ინიშნება 1/2-1 ტაბლეტი (25-50 მგ დიფენჰიდრამინის ჰიდროქლორიდი) 1-3-ჯერ დღეში. მოძრაობის დაავადების პროფილაქტიკისთვის მიიღება 1/2-1 ტაბლეტი მგზავრობამდე 30-60 წუთით ადრე, როგორც დამამშვიდებელი და საძილე საშუალება - 1 ტაბლეტი ძილის წინ. მოზრდილებისთვის მაქსიმალური ერთჯერადი დოზა შეადგენს 2 ტაბლეტს (100 მგ დიფენჰიდრამინის ჰიდროქლორიდი), მაქსიმალური სადღეღამისო დოზა - 5 ტაბლეტი (250 მგ დიფენჰიდრამინის ჰიდროქლორიდი). 6-12 წლის ასაკის ბავშვებში ინიშნება 1/2 ტაბლეტი (25 მგ დიფენჰიდრამინის ჰიდროქლორიდი) მიღებაზე. თერაპიის კურსის ხანგრძლივობას ადგენს ექიმი ინდივიდუალურად დაავადების ხასიათის მიხედვით. ბავშვები. სამკურნალო საშუალება ბავშვებში გამოიყენება 6 წლის ასაკიდან. ჭარბი დოზა. სიმპტომები: სიმშრალე პირში, სუნთქვის გაძნელება, მიდრიაზი, სახის გაწითლება, ცენტრალური ნერვული სისტემის დათრგუნვა ან აგძნებულობა, ტაქიკარდია, არითმია, გულ-სისხლძარღვთა სისტემისა და სუნთქვის ფუნქციის დათრგუნვა, დეპრესია, ჰიპერკინეზია, გონების არევა, ბოდვა, ცხელება, ტრემორი, დისტონიური რეაქციები და ცვლილებები ეკგ-ზე; ბავშვებში - კრუნჩხვების განვითარება. დიმედროლის მაღალ დოზებს შეუძლიათ გამოიწვიონ რაბდომიოლიზი, დელირი, ტოქსიკური ფსიქოზი, კომა და გულ-სისხლძარღვთა კოლაფსი. მკურნალობა: გულისრევის ინდუქცია, კუჭის ამორეცხვა, აქტივირებული ნახშირის დანიშვნა; სიმპტომური და შემანარჩუნებელი თერაპია სუნთქვისა და არტერიული წნევის კონტროლის ფონზე. ვენაში წვეთოვნად პლაზმის შემცვლელი სითხეების შეყვანა, ოქსიგენოთერაპია. ეპინეფრინისა და ანალეფსიურების გამოყენება არ შეიძლება. დიმედროლის ჭარბი დოზის დროს ანტიდოტის სახით შეიძლება ვენაში 0,06 მგ/სხეულის წონის კგ ფიზოსტიგმინის დანიშვნა რამდენჯერმე, თუ ანტიქოლინერგიული სიმპტომები იმატებს. ფიზოსტიგმინის ჭარბი დოზის შემთხვევაში საჭიროა ატროპინის შეყვანა. კრუნჩვების და ცენტრალური ნერვული სისტემის გამოხატული სტიმულირების მკურნალობა პარენტერალური დიაზეპამით უნდა მოხდეს. გვერდითი რეაქციები. გვერდითი რეაქციები მოცემულია სისტემებისა და ორგანოების და სიხშირის მიხედვით: ძალიან ხშირად (≥1/10), ხშირად (≥1/100-<1/10), არახშირად (≥1/1000-<1/100), იშვიათად (≥1/10000-<1/1000), ძალიან იშვიათად (<1/10000), სიხშირე უცნობია (არსებული მონაცემებით შეფასება შეუძლებელია).  მხედველობის ორგანოების მხრივ: სიხშირე უცნობია - თვალების სიმშრალე, გუგების გაფართოება, დიპლოპია, მხედველობის დარღვევა, ძალიან იშვიათად - თვალშიდა წნევის მომატება. სმენის ორგანოების და ვესტიბულარული აპარატის მხრივ: სიხშირე უცნობია - მწვავე ლაბირინტიტი, შუილი ყურებში, მოძრაობების კოორდინაციის დარღვევა. რესპირატორული სისტემის ორგანოების, მკერდის უჯრედის ორგანოების და შუასაყარის მხრივ: სიხშირე უცნობია - ცხვირისა და ყელის ლორწოვანი გარსების სიმშრალე, ცხვირის შეგუბება, ბრონქების სეკრეტის გასქელება, მოჭერის შეგრძნება მკერდის უჯრედში, სუნთქვის გაძნელება, ქოშინი. კუჭ-ნაწლავის ტრაქტის მხრივ: ხშირად - სიმშრალე პირში, სიხშირე უცნობია - პირის ღრუს ლორწოვანი გარსის დაბუჟება, ანორექსია, ღებინება, ტკივილი ეპიგასტრიაში, გულისრევა, დიარეა, ყაბზობა. თირკმელებისა და საშარდე გზების მხრივ: სიხშირე უცნობია - ხშირი და/ან გაძნელებული შარდვა, შარდვის შეკავება. ნერვული სისტემის მხრივ: ხშირად - სედაციური მოქმედება, სისუსტე, ძილიანობა, ყურადღების დაქვეითება, ფსიქომოტორული რეაქციების სისწრაფის დაქვეითება, თავბრუსხვევა, მომატებული დაღლილობა; სიხშირე უცნობია - შფოთვა, დეპრესია, მომატებული აგზნებულობა (განსაკუთრებით ბავშვებში), უძილობა, ნევროზულობა, გაღიზიანებადობა, ეიფორია, გონების არევა, ტრემორი, ნევრიტი, პარესთეზიები, დისკინეზიები, თავის ტკივილი; ძალიან იშვიათად - კრუნჩხვები. ავადმყოფებში ტვინის ლოკალური დაზიანებებით ან ეპილეფსიით აქტიურდება (დიმედროლის მცირე დოზების გამოყენების დროსაც კი) კრუნჩხვების განმუხტვები ელექტროენცეფალოგრაფიაზე (ეეგ), სამკურნალო საშუალებას შეუძლია ეპილეფსიური შეტევის პროვოცირება. ხანდაზმული ადამიანები მიდრეკილნი არიან გონების არევისკენ და პარადოქსული აგნებულობისკენ (მაგალითად, მომატებული ენერგიულობა, შფოთვა, ნევროზულობა). გულ-სისხლძარღვთა სისტემის მხრივ: სიხშირე უცნობია - არტერიული ჰიპოტენზია, გულისცემა, ტაქიკარდია, არითმია, ექსტრასისტოლია, კანისა და ლორწოვანი გარსების ციანოზი.  სისხლისა და ლიმფური სისტემის მხრივ: იშვიათად - თრომბოციტოპენია, სიხშირე უცნობია - აგრანულოციტოზი, ჰემოლიზური ანემია, ჰემოლიზური სიყვითლე. იმუნური სისტემის მხრივ: სიხშირე უცნობია - ჰიპერმგრძნობელობის რეაქციები, ანაფილაქსიური შოკისა და ანგიონევროზული შეშუპების ჩათვლით. კანისა და კანქვეშა უჯრედისის მხრივ: სიხშირე უცნობია - ჰიპერემია, გამონაყარი კანზე, ქავილი, ჭინჭრის ციება, ძალიან იშვიათად - კონტაქტური დერმატიტი. საყრდენ-მამოძრავებელი სისტემისა და შემაერთებელი ქსოვილის მხრივ: სიხშირე უცნობია - კუნთების კრთომა. რეპროდუქციული სისტემისა და სარძევე ჯირკვლების ფუნქციის მხრივ: სიხშირე უცნობია - მენსტრუაციების სიხშირის გაზრდა, ადრეული მენსტრუაციები. ზოგადი დარღვევები: სიხშირე უცნობია - ოფლიანობა, კანკალი, ფოტოსენსიბილიზაცია, ცხელება, ჰიპერთერმიის სინდრომი. შეტყობინებები საეჭვო გვერდითი რეაქციების შესახებ სამკურნალო საშუალების რეგისტრაციის შემდეგ შეტყობინებები საეჭვო გვერდითი რეაქციების შესახებ მნიძვნელოვან პროცედურას წარმოადგენს. ეს იძლევა შესაბამისი სამკურნალო საშუალების "სარგებელი/რისკის" შეფარდების მონიტორინგის გაგრძელების საშუალებას. მედიცინის მუშაკებს უნდა ეცნობოთ ნებისმიერი გსაეჭვო გვერდითი რეაქციის შესახებ შეტყობინებათა ეროვნული სისტემის მეშვეობით. ვარგისობის ვადა. 4 წელი. შენახვის პირობები. ინახება ორიგინალ შეფუთვაში არა უმეტეს 25°C ტემპერატურაზე. შეინახეთ ბავშვებისათვის მიუწვდომელ ადგილას. შეფუთვა. 10 ტაბლეტი კონტურულ უჯრედულ შეფუთვაში; 1 კონტურული უჯრედული შეფუთვა კოლოფში; 10 ტაბლეტი კონტურულ უჯრედულ შეფუთვებში. გაცემის რეჟიმი: ფარმაცევტული პროდუქტის ჯგუფი - II, გაიცემა ფორმა №3 რეცეპტით