Doppelherz Aktiv B комплекс 45 таблеток

Характеристики

Форма

Dosage mg

Упаковка

Активные

vitamin b complex

Что это?

დოპელჰერცი აქტივი - Doppelherz Aktiv B კომპლექსი 45 ტაბლეტი B ჯგუფის ვიტამინები წყალში ხსნადი ვიტამინებია, რომლებიც მნიშვნელოვან როლს ასრულებენ მეტაბოლურ პროცესებში. ამ ჯგუფის ვიტამინების დაბალანსებული კომბინაცია უზრუნველყოფს ფართო სპექტრის უპირატესობებს, მათ შორის: ნერვული სისტემის ნორმალურ ფუნქციონირებას, უჯრედული ენერგიის გამომუშავებას, უჯრედის ფუნქციურ აქტივობას, ნახშირწყლების, ცილების და ცხიმების ცვლის რეგულირებას, ნუკლეინის მჟავების სინთეზს და სხვ. B1 ვიტამინი (თიამინი) - გვხვდება ორგანიზმის თითქმის ყველა უჯრედში, ის გარდაქმნის ცხიმებს, ცილებს და ნახშირწყლებს ენერგიად, აძლიერებს ნერვულ სისტემას და აუმჯობესებს შემეცნებით ფუნქციებს. თიამინი განსაკუთრებით მნიშვნელოვანია გულ-სისხლძარღვთა, ენდოკრინული და საჭმლის მომნელებელი სისტემების ნორმალური ფუნქციონირებისთვის. თიამინის დეფიციტი იწვევს რძემჟავა და პიროყურძნის მჟავას დაგროვებას, რის შედეგადაც შესაძლებელია განვითარდეს პოლინევრიტი, პოლინეიროპათია, ბერი-ბერის დაავადება, ვერნიკეს ენცეპალოპათია და კასკაროვის სინდრომი. B2 ვიტამინი (რიბოფლავინი) - არეგულირებს ჟანგვა-აღდგენით რეაქციებს, მონაწილეობს ნახშირწყლების, ცილების და ცხიმების ცვლაში, მნიშვნელოვან როლს ასრულებს დნმ-ის ფორმირების პროცესში და ჰემოგლობინის სინთეზში. რიბოფლავინის მეშვეობით ხორციელდება პირიდოქსინის აქტივაცია და ტრიფტოფანის გარდაქმნა ნიკოტინის მჟავად.  B3 ვიტამინი (ნიაცინი) - B3 ვიტამინი (ნიაცინი) შეიცავს ორ ქიმიურად დაკავშირებულ ნაერთს: ნიკოტინის მჟავას და ნიკოტინამიდს. ნიაცინი წყალში ხსნადია, ამიტომ ორგანიზმში მისი ჭარბი რაოდენობა გამოიყოფა შარდით. B3 ვიტამინის მთავარი ფუნქცია მეტაბოლიზმია: ის მონაწილეობს ცილების მეტაბოლიზმში და ენერგიის წარმოებაში ცხიმების და ნახშირწყლებისგან. ასევე, მნიშვნელოვანია გულ-სისხლძარღვთა და ნერვული სისტემის, კუჭ-ნაწლავის ტრაქტის ნორმალური ფუნქციონირებისთვის.  B5 ვიტამინი (პანტოთენის მჟავა) - მონაწილეობს ჰემოგლობინის, ნეიროტრანსმიტერების წარმოებაში, ნახშირწყლების და ცილების ცვლაში, ამცირებს ცხიმოვან ქსოვილს. ზრდის ორგანიზმის მდგრადობას სტრესის მიმართ, ასტიმულირებს თირკმელზედა ჯირკვლის ჰორმონების, კორტიკოსტეროიდების სინთეზს. პანტოთენის მჟავა მნიშვნელოვან როლს ასრულებს ანტისხეულების  ფორმირებაში და სხვა ვიტამინების ათვისებაში. დადებითად მოქმედებს ნერვულ სისტემაზე, აუმჯობესებს ყურადღების კონცენტრაციას, სმენას, მხედველობას, ამცირებს აკნეს. B6 ვიტამინი (პირიდოქსინი) - აერთიანებს ნივთიერებათა ჯგუფს, რომელიც მოიცავს პირიდოქსინს, პირიდოქსალს, პირიდოქსამინს და მათ წარმოებულებს (5’-ფოსფატ). 5’-პირიდოქსალ ფოსფატი (PLP), 100-ზე მეტი ფერმენტის კოფაქტორია, რომელიც ჩართულია ამინომჟავების, გლიკოგენის, ლიპიდების, სტეროიდების, ვიტამინების  მეტაბოლიზმში. B6 ვიტამინი მონაწილეობს ტრიფტოფანიდან ნიაცინის (ვიტამინი B3) წარმოქმნაში. B7 ვიტამინი, ბიოტინი - მონაწილეობს ნახშირწყლების, ცხიმების და ცილების მეტაბოლიზმში, ენერგიის გამომუშავებაში, უჯრედის დნმ-ის და ჰემოგლობინის სინთეზში, ხელს უწყობს ჯანსაღი თმა, კანი, ფრჩხილის სტრუქტურის შენარჩუნებას, აუმჯობესებს ცენტრალური ნერვული სისტემის ფუნქციას, არეგულირებს გლუკოზის დონეს სისხლში, ხელს უშლის II ტიპის დიაბეტის განვითარებას. ბიოტინი აძლიერებს იმუნიტეტს, ხელს უწყობს ფარისებრი ჯირკვლის ნორმალურ ფუნქციონირებას, უზრუნველყოფს კუჭ-ნაწლავის ტრაქტისა და ნაწლავის მიკროფლორის ჯანსაღ ფუნქციონირებას.  B9 ვიტამინი, ფოლიუმის მჟავა - არეგულირებს ჰომოცისტეინის დონეს, ამცირებს ათეროსკლეროზის და გულ-სისხლძარღვთა დაავადებების განვითარების რისკს, უზრუნველყოფს ფოლიუმის მჟავას დეფიციტის შევსებას ორსულობამდე და ორსულობის დროს (ნაყოფში ნერვული მილის დეფექტების განვითარების პრევენცია), ხელს უწყობს პლაცენტის მომწიფებას და ნორმალურ ფუნქციონირებას, იცავს ნაყოფს ტერატოგენული ფაქტორების დამაზიანებელი ზემოქმედებისგან და უზრუნველყოფს მშობიარობის შემდგომი დეპრესიების პრევენციას. გარდა ამისა, აუცილებელია მეგალობლასტების ნორმალური მომწიფებისა და ნორმობლასტების წარმოქმნისთვის. B12 ვიტამინი (მეთილკობალამინი) - უზრუნველყოფს ერითროციტების ნორმალურ ფორმირებას, ფუნქციონირებას და ანემიის პრევენციას. მონაწილეობს ენერგიის მეტაბოლიზმში, აუმჯობესებს გუნება-განწყობას, განაპირობებს ძვლების სიჯანსაღეს და ხელს უშლის ოსტეოპოროზის განვითარებას. რეკომენდებულია (კომპლექსურ თერაპიაში): · B ჯგუფის ვიტამინების ჰიპო და ავიტამინოზი · არასრულფასოვანი და დაუბალანსებელი კვება  · ნევრიტი, ნევრალგია ·  ატოპიური დერმატიტი, ნეიროდერმიტი, ფსორიაზი ·  სხვადასხვა ეტიოლოგიის ანემია ·  ჰიპო- და ანაციდური გასტრიტი, გასტრექტომია, ენტერეტი · ართრიტი, ოსტეოართრიტი, რევმატოიდული ართრიტი, რევმატიზმი. შემადგენლობა: 1 ტაბლეტი შეიცავს: ფოლიუმის მჟავა - 600 მკგ, ვიტამინი B1 - 4,2 მგ,  ვიტამინი B2 - 4,8 მგ, ვიტამინი B6 - 6 მგ, ვიტამინი B12 - 3 მკგ, პანტოთენის მჟავა - 18 მგ, ნიაცინი - 21,6 მგ, ბიოტინი - 150 მკგ. დოზირება: მიიღება 1 ტაბლეტი დღეში მოზრდილებში,  18 წლამდე, ორსულებსა და მეძუძურ დედებში მიიღება ექიმის რეკომენდაციით. უკუჩვენება: ინდივიდუალური აუტანლობა შემადგენელი კომპონენტების მიმართ. გაფრთხილება: • არ გადააჭარბოთ რეკომენდებულ დღიურ დოზას • საკვები დანამატი არ გამოიყენოთ მრავალფეროვანი და დაბალანსებული საკვების შემცვლელად, არ წარმოადგენს მედიკამენტს. შენახვის პირობები: ინახება მშრალ, გრილ, არა უმეტეს 25°C ტემპერატურაზე ბავშვებისთვის მიუწვდომელ ადგილას.  შენახვის მინიმალური ვადა: შეფუთვაზე მითითებული შენახვის ვადის ამოწურვამდე. გამოშვების ფორმა : №45 ტაბლეტი.  მწარმოებელი: Queisser Pharma - გერმანია.