თვისებები
რა არის ეს?
დექსარისი (0,2028+0,5) მგ / მლ ნაზალური სპრეი , სუსპენზია დექსამეტაზონის იზონიკოტინატი + ოქსიმეტაზოლინის ჰიდროქლორიდი ყურადღებით წაიკითხეთ მთლიანად ეს გამოყენების ინსტრუქცია, სანამ დაიწყებთ ამ პრეპარატის გამოყენებას , რადგანაც ის შეიცავს თქვენთვის მნიშვნელოვან ინფორმაციას . - შეინახეთ ეს გამოყენების ინსტრუქცია. შეიძლება დაგჭირდეთ მისი ხელახლა წაკითხვა . - თუ თქვენ გაქვთ რაიმე დამატებითი შეკითხვები , მიმართეთ თქვენს ექიმს ან ფარმაცევტს . - ეს პრეპარატი დაგინიშნეს მხოლოდ თქვენ . არ გადასცეთ ის სხვებს . ამან შეიძლება ზიანი მიაყენოს მათ , მაშინაც კი , თუ მათი დაავადების ნიშნები იგივეა , რაც თქვენი . - თუ თქვენ განგივითარდებათ რაიმე გვერდითი ეფექტი, მიმართეთ თქვენს ექიმს ან ფარმაცევტს . ეს მოიცავს ნებისმიერ შესაძლო გვერდით ეფექტს , რომელიც არ არის ჩამოთვლილი ამ გამოყენების ინსტრუქციაში . იხილეთ პუნქტი 4. რა არის მოცემული ამ გამოყენების ინსტრუქციაში 1 . რა არის და რისთვის გამოიყენება დექსარისი 2. რა უნდა იცოდეთ დექსარისის გამოყენებამდე 3. როგორ გამოიყენება დექსარისი 4. შესაძლო გვერდითი ეფექტები 5. როგორ ინახება დექსარისი 6. შეფუთვის შემცველობა და სხვა ინფორმაცია 1. რა არის და რისთვის გამოიყენება დექსარისი დექსარისი არის სპეციალური პრეპარატი, რომელსაც გააჩნია ძლიერი ეფექტი , როდესაც გამოიყენება ადგილობრივად მუდმივი და მძიმე ცხვირის „ გაჭედვის“ შემთხვევაში . ის შეიცავს ორ აქტიურ ნივთიერებას , ოქსიმეტაზოლინის ჰიდროქლორიდსა და დექსამეტაზონი -21- იზონიკოტინატს . ოქსიმეტაზოლინის ჰიდროქლორიდი არის სიმპათომიმეტური პრეპარატი , რომელიც ავიწროებს ცხვირის სისხლძარღვებს ცხვირის ლორწოვანი გარსის შეგუბების გახსნის გზით , რაც უზრუნველყოფს ცხვირის „ გაჭედვის“ სწრაფ და ხანგრძლივ შემსუბუქებას . ის ხელს უწყობს ცხვირის გასავლების გახსნას და დახშული („ გაჭედილი“ ) ცხვირის მქონე პაციენტებს აძლევს უკეთესად სუნთქვის საშუალებას . დექსამეტაზონი განეკუთვნება პრეპარატების ჯგუფს სახელწოდებით კორტიკოსტეროიდები ( კორტიზონის ტიპი ), რომლებიც გამოიყენება ანთების შესამცირებლად და პროფილაქტიკისთვის . დექსამეტაზონს გააჩნია ანთების საწინააღმდეგო და ანტიალერგიული თვისებები და ცხვირიდან გამოყენებისას ის ამცირებს და ახდენს ცხვირის ლორწოვანი გარსის ანთებისა ან შეშუპების პრევენციას . დექსარისი ნაჩვენებია 7 წელზე უფროსი ასაკის ბავშვებში და მოზრდილებში შემდეგ შემთხვევებში : ალერგიული რინიტი ( თივის ცხელება ), ვაზომოტორული რინიტი , მწვავე რინიტი და ნაზოფარინგიტი , სინუსიტი და ცხვირის პოლიპები . 2. რა უნდა იცოდეთ დექსარისის გამოყენებამდე არ გამოიყენოთ დექსარისი - თუ ხართ ალერგიული ოქსიმეტაზოლინის ჰიდროქლორიდის , დექსამეტაზონის იზონიკოტინატის ან ამ პრეპარატის რომელიმე სხვა ინგრედიენტის მიმართ ( ჩამოთვლილია მე -6 პუნქტში ). - თუ გაწუხებთ : · ცხვირის , პირის ღრუს , თვალისა და ზედა სასუნთქი გზების არანამკურნალები ინფექციები ( მაგ . ჰერპესი , ძროხის ყვავილი , ჩუტყვავილა , ცხვირის სოკოვანი ინფექცია და ა .შ.) · ტუბერკულოზი · მშრალი რინიტი · გლაუკომა (დახურულ-კუთხოვანი გლაუკომის ჩათვლით) (მაღალი თვალშიდა წნევა) - თავის ქალაზე ცხვირის ღრუს გავლით ქირურგიული ოპერაციის შემდეგ - თუ ერთდროულად ღებულობთ მონოამინოქსიდაზას ინჰიბიტორებს (მაო ინჰიბიტორები , ტრიციკლური ანტიდეპრესანტები , რომლებიც გამოიყენება დეპრესიის სამკურნალოდ ), ბრომოკრიპტინს ( პარკინსონის დაავადების , ქალისა და მამაკაცის უნაყოფობის , მამაკაცის ჰიპერპროლაქტინემიის , ლაქტაციის დასათრგუნი და ჰიპოფიზის ადენომების სამკურნალოდ ) და სხვა პრეპარატებს, რომლებმაც შეიძლება პოტენციურად გაზარდონ არტერიული წნევა ( ჰიპერტენზიული კრიზის რისკი ). - თუ გაწუხებთ ატროფიული და ვაზომოტორული რინიტი , ან რინიტი , რომელიც გამოწვეულია ლორწოვანის სიმშრალით . - ტრანს-სფენოიდული ჰიპოფიზეექტომიის შემდეგ ( ჰიპოფიზის ჯირკვლის ცხვირის გავლით ქირურგიული მოცილება ) ან ცხვირის და პირის ღრუს ოპერაციის შემდეგ , რომლის დროსაც ხდება ზემოქმედება თავის ტვინის მაგარ გარსზე, და როგორც ყველა სხვა ვაზოკონსტრიქტორის შემთხვევაში . დექსარისი არ არის შესაფერისი და არ უნდა დაინიშნოს 7 წლამდე ასაკის ბავშვებში . გარდა ამისა , პროდუქტი არ უნდა იქნას გამოყენებული ორსულობისა და ლაქტაციის პერიოდში . გაფრთხილებები და სიფრთხილის ზომები დექსარისის გამოყენებამდე გაესაუბრეთ თქვენს ექიმს ან ფარმაცევტს . დექსარისის გამოყენებამდე გაესაუბრეთ თქვენს ექიმს ან ფარმაცევტს , განსაკუთრებით შემდეგ შემთხვევებში : - თუ გაწუხებთ გულ - სისხლძარღვთა დაავადებები , როგორიცაა კორონარული არტერიის დაავადება ან ჰიპერტენზია ( მაღალი არტერეიული წნევა ) - თუ გაწუხებთ მეტაბოლური დარღვევები , როგორიცაა ჰიპერთირეოზი ( ფარისებრი ჯირკვლის ჰიპერაქტივობა ), შაქრიანი დიაბეტი ( სისხლში შაქრის მაღალი დონე ), თანდაყოლილი პორფირია ( იშვიათი , როგორც წესი, მემკვიდრეობითი დაავადება , რომელიც ხასიათდება პორფირინის მაღალი დონით განავალსა და შარდში ) ან ოსტეოპოროზი - თუ გაწუხებთ პროსტატის ჰიპერტროფია ( გადიდებული პროსტატა ) ან ფეოქრომოციტომა ( თირკმელზედა ჯირკვლის სიმსივნე ). თუ რომელიმე ზემოთ ჩამოთვლილი გეხებათ თქვენ, არ გამოიყენოთ დექსარისი ექიმთან ან ფარმაცევტთან კონსულტაციამდე . დექსარისი არ უნდა იქნას გამოყენებული 7 დღეზე მეტი დროის განმავლობაში . თუ სიმპტომები გრძელდება , მიმართეთ თქვენს ექიმს . გახანგრძლივებულმა ან გადაჭარბებულმა გამოყენებამ შეიძლება გამოიწვიოს ცხვირის ლორწოვანი გარსის შეგუბება ( რიკოშეტული ფენომენი ) და გამოიწვიოს მედიკამენტოზური რინიტი ან ცხვირის ლორწოვანი გარსის ატროფია . კერძოდ , ცხვირის დეკონგესტანტების ხანგრძლივმა ან გადაჭარბებულმა გამოყენებამ შეიძლება შეამციროს მათი ეფექტურობა . ასევე საჭიროა სიფრთხილე ხანდაზმულებში და ბავშვებში , რადგანაც ისინი შეიძლება უფრო მგრძნობიარენი იყვნენ ამ პრეპარატის გვერდითი ეფექტების მიმართ . არ გამოიყენოთ ეს პრეპარატი ხანგრძლივი პერიოდის განმავლობაში და არ გადააჭარბოთ რეკომენდებულ დოზას . თითოეული კონტეინერი უნდა იქნას გამოყენებული მხოლოდ ერთი პაციენტის მიერ და საფრქვევი უნდა გაიწმინდოს ყოველი გამოყენების შემდეგ ვირუსული ან ბაქტერიული ინფექციების გადაცემის რისკის შესამცირებლად . კორტიკოსტეროიდების ხანგრძლივმა გამოყენებამ რეკომენდებულზე მაღალი დოზებით შეიძლება გამოიწვიოს ჰიპერკორტიკოიდიზმი და თირკმელზედა ჯირკვლის უკმარისობა . ნაზალური კორტიკოსტეროიდების რეკომენდებულზე მაღალი დოზებით მკურნალობამ შეიძლება გამოიწვიოს თირკმელზედა ჯირკვლების კლინიკურად მნიშვნელოვანი დათრგუნვა . თუ არსებობს მტკიცებულება რეკომენდებულზე მაღალი დოზების გამოყენების შესახებ , მაშინ უნდა განხილული იქნას დამატებითი სისტემური კორტიკოსტეროიდებით დაცვა სტრესის ან ელექტიური ოპერაციის დროს . სიფრთხილეა საჭირო პრეპარატის შესხურებისას , რათა დექსარისი არ შევიდეს კონტაქტში თვალებთან , რადგანაც ამან შეიძლება გამოიწვიოს გაღიზიანება , ასევე თვალის წნევის მომატება და გამონაკლის შემთხვევებში თვალის ბროლის დაბინდვა ( კატარაქტა ). ამ შემთხვევაში თქვენ უნდა მიმართოთ ექიმს . პერორალურიდან ადგოლობრივ სტეროიდებზე გადასვლისას შესაძლოა თქვენი თირკმელზედა ჯირკვლის ფუნქცია დაირღვეს და ნებისმიერი არსებული ალერგია შეიძლება გამწვავდეს . ამ შემთხვევაში უნდა მიმართოთ თქვენს ექიმს . დექსარისის კორტიკოსტეროიდული კომპონენტის გამო , ინფექციის რისკი ( მაგ . ტუბერკულოზი , სპეციფიკური ვირუსული ინფექციები , როგორიცაა ჰერპეს ზოსტერი , მარტივი ჰერპესი, ძროხის ყვავილი ) ან თუნდაც ოპორტუნისტული ინფექციების რისკი შეიძლება გაიზარდოს . თუ თქვენ გაქვთ ინფექცია , დაუკავშირდით თქვენს ექიმს . შეიძლება განვითარდეს ნაზალური კორტიკოსტეროიდების სისტემური ეფექტები, განსაკუთრებით მაღალი დოზების დანიშვნისას ხანგრძლივი პერიოდის განმავლობაში . ამ ეფექტების განვითარება გაცილებით ნაკლებად სავარაუდოა , ვიდრე პერორალური კორტიკოსტეროიდების შემთხვევაში და შეიძლება განსხვავდებოდეს ცალკეულ პაციენტებსა და სხვადასხვა კორტიკოსტეროიდულ პრეპარატებს შორის , და ეს განსაკუთრებით მნიშვნელოვანია ბავშვებში და პაციენტებში , რომლებიც მკურნალობენ პრეპარატებით რიტონავირით ან კობიცისტატით . ისეთი ეფექტები , როგორიცაა კუშინგის სინდრომი , კუშინგოიდური ნიშნები ( შეიძლება განგივითარდეთ შეშუპება და წონის მომატება ტორსსა და სახეზე , რადგანაც ეს ჩვეულებრივ კუშინგის სინდრომის პირველი ნიშნებია ), თირკმელზედა ჯირკვლების დათრგუნვა ( ეს შეიძლება განვითარდეს დექსარის ით ხანგრძლივი ან ინტენსიური მკურნალობის შეწყვეტის შემდეგ . ამიტომ არ უნდა შეწყვიტოთ მკურნალობა თვითნებურად, არამედ ჯერ უნდა მიმართოთ თქვენს ექიმს ), ზრდის შეფერხება ბავშვებში და მოზარდებში , კატარაქტა , გლაუკომა და უფრო იშვიათად , მთელი რიგი ფსიქოლოგიური და ქცევითი ეფექტები, მათ შორის შეიძლება განვითარდეს ფსიქომოტორული ჰიპერაქტიურობა , ძილის დარღვევა , შფოთვა , დეპრესია ან აგრესია ( განსაკუთრებით ბავშვებში ). ამ შემთხვევაში თქვენ უნდა მიმართოთ თქვენს ექიმს . ასევე დაფიქსირდა ზრდის შეფერხება ბავშვებში , რომლებიც იღებდნენ ნაზალურ კორტიკოსტეროიდებს რეკომენდებული დოზებით . ამ მიზეზით , ექიმი რეგულარულად შე ამოწმებს თქვენი ბავშვის სიმაღლეს , რომელიც მკურნალობს ნაზალური კორტიკოსტეროიდებით ხანგრძლივი პერიოდის განმავლობაში . თუ ზრდა შენელდება , თერაპია უნდა გადაიხედოს ნაზალური კორტიკოსტეროიდის დოზის შემცირების მიზნით , თუ ეს შესაძლებელია , ყველაზე დაბალ დოზამდე , რომლის დროსაც შენარჩუნდება სიმპტომების ეფექტური კონტროლი . გარდა ამისა , შეიძლება დაგჭირდეთ სპეციალისტის - პედიატრის - რჩევა . უნდა აცნობოთ თქვენს ექიმს , თუ გაწუხებთ ჰემატოლოგიური ავთვისებიანი სიმსივნე , თუ გაქვთ სიმსივნის ლიზისის სინდრომის სიმპტომები , როგორიცაა კუნთების კრუნჩხვები , კუნთების სისუსტე , ცნობიერების არევა, მხედველობის დაკარგვა ან სუნთქვის დარღვევები და გაძნელება . ბავშვები დექსარისი არ არის შესაფერისი 7 წლამდე ასაკის ბავშვებისთვის . რეკომენდირებულია დექსარისის გამოყენება 7- დან 12 წლამდე ასაკის ბავშვებში მოზრდილების მეთვალყურეობის ქვეშ . რეკომენდებულია , რომ ნაზალური კორტიკოსტეროიდებით გახანგრძლივებულ მკურნალობაზე მყოფი ბავშვების ზრდა რეგულარულად კონტროლდებოდეს ( იხ . ზემოთ პუნქტი „ გაფრთხილებები და სიფრთხილის ზომები “). სხვა პრეპარატები და დექსარისი აცნობეთ თქვენს ექიმს ან ფარმაცევტს , თუ იღებთ , ბოლო დროს მიიღეთ ან შესაძლოა მიიღოთ ნებისმიერი სხვა პრეპარატები, ურეცეპტოდ გაცემულების ჩათვლით. თქვენ არ უნდა გამოიყენოთ დექსარისი, თუ ღებულობთ შემდეგ პრეპარატებს : • მონოამინოქსიდაზას ინჰიბიტორები (მაო ინჰიბიტორები ): თუ ამჟამად ღებულობთ მონოამინ ოქსიდაზას ინჰიბიტორებს ( მაო-ები ) ან იღებდით მაო -ებ ს ბოლო 2 კვირის განმავლობაში • ტრიციკლური ანტიდეპრესანტები • ბრომოკრიპტინი • ვაზოკონსტრიქტორი პრეპარატები • სხვა პრეპარატები , რომლებმაც შეიძლება გაზარდონ არტერიული წნევა • თიროქსინი • ანტიჰიპერტენზიული საშუალებები , განსაკუთრებით ისინი , რომელთა მოქმედებაც მოიცავს სიმპათიკურ ნერვულ სისტემას • β2- სიმპათომიმეტური პრეპარატები • ციტოქრომ CYP3A4-ს ინჰიბიტორები ( მაგ .: კეტოკონაზოლი , იტრაკონაზოლი , კლოტრიმაზოლი , რიტონავირი ან კობიცისტატი , ციკლოსპორინი , ეთინილესტრადიოლი , ტროლეანდრომიცინი , კლარითრომიცინი , ციმეტიდინი , დილთიაზემი , ინდინავირი ), რადგანაც მათ შეუძლიათ გაზარდონ დექსამეტაზონის დონე სისხლში . • ციტოქრომ CYP3A4-ს ინდუქტორები ( მაგ . კარბამაზეპინი , ფენიტოინი , ფენობარბიტალი , რიფამპიცინი ) თუ თქვენ იღებთ რომელიმე ზემოთ ჩამოთვლილ პრეპარატს, არ გამოიყენოთ დექსარისი ექიმთან ან ფარმაცევტთან კონსულტაციამდე . ორსულობა , ძუძუთი კვება და ფერტილობა თუ ხართ ორსული ან მეძუძური, ფიქრობთ , რომ შეიძლება იყოთ ორსულად ან გეგმავთ ბავშვის გაჩენას , ამ პრეპარატის მიღებამდე რჩევისთვის მიმართეთ თქვენს ექიმს ან ფარმაცევტს . დექსარისი არ უნდა იქნას გამოყენებული ორსულობისა და ლაქტაციის პერიოდში . ავტომობილის მართვა და მექანიზმებთან მუშაობა კვლევები ავტომობილის მართვისა და მექანიზმებთან მუშაობის უნარზე ზემოქმედების შესახებ არ ჩატარებულა . თუმცა , დექსარის ით მკურნალობის დროს შეიძლება განიცადოთ გვერდითი მოვლენები , როგორიცაა ჰალუცინაციები , ძილიანობა , სედაცია , თავბრუსხვევა და დაღლილობა ან ნერვული ან გულ - სისხლძარღვთა სისტემის მხრივი სხვა გვერდითი ეფექტები. ამ შემთხვევაში , თქვენ არ უნდა მართოთ მანქანა და არ გამოიყენოთ მექანიზმები და , ზოგადად , მოერიდოთ პოტენციურად სახიფათო საქმიანობებს . დექსარისი შეიცავს ბენზალკონიუმის ქლორიდს და ბენზილის სპირტს დექსარისი შეიცავს ბენზალკონიუმის ქლორიდს კონსერვანტის სახით , რომელმაც შეიძლება გამოიწვიოს ცხვირის შიგნით გაღიზიანება ან შეშუპება , განსაკუთრებით ხანგრძლივი გამოყენების შემთხვევაში . ის ასევე შეიცავს ბენზილის სპირტს კონსერვანტის სახით , რამაც შეიძლება გამოიწვიოს მსუბუქი ადგილობრივი გაღიზიანება . 3. როგორ გამოიყენება დექსარისი ყოველთვის გამოიყენეთ ეს პრეპარატი ზუსტად ისე , როგორც გითხრათ თქვენმა ექიმმა ან ფარმაცევტმა . თუ არა ხართ რაიმეში დარწმუნებული , გადაამოწმეთ თქვენს ექიმთან ან ფარმაცევტთან . რეკომენდებული დოზაა : მოზრდილები და 7 წელზე უფროსი ასაკის ბავშვები 300 დოზიანი შეფუთვა თუ სხვა გვარად არ არის დანიშნული, საკმარისია 2-3 შესხურება ( თითოეული 50 მკლ ) თითოეულ ნესტოში 1-3- ჯერ დღეში . ბავშვებში გამოყენება შეიძლება განმეორდეს 2- ჯერ 24 საათის განმავლობაში . მკურნალობის ხანგრძლივობას განსაზღვრავს მკურნალი ექიმი ინდივიდუალურად ( იხ . პუნქტი 2). მკურნალობის ყოველი კურსი არ უნდა აღემატებოდეს 7 დღეს , თუ სხვაგვარად არ დანიშნავს მკურნალი ექიმი . არ გამოიყენოთ ეს პრეპარატი დიდი ხნის განმავლობაში და არ გადააჭარბოთ რეკომენდებულ დოზას ( იხილეთ პუნქტი " გაფრთხილებები და სიფრთხილის ზომები "). თუ ექიმი იძლევა ხანგრძლივი მკურნალობის რეკომენდაციას , ცხვირის ლორწოვანი გარსი უნდა შემოწმდეს რეგულარულად . გამოყენება ბავშვებში და მოზარდებში დექსარისი განკუთვნილია მხოლოდ მოზრდილებისთვის და 7 წელზე უფროსი ასაკის ბავშვებისთვის . რეკომენდებულია დექსარისის გამოყენება 7- დან 12 წლამდე ასაკის ბავშვებში მოზრდილების მეთვალყურეობის ქვეშ გამოყენების მეთოდი ადგილობრივად ნაზალური გამოყენებისთვის . ინსტრუქციები გამოყენების შესახებ : 1. კარგად შეანჯღრიეთ კონტეინერი . 2. მოხსენით დამცავი თავსახური სპრეის წვერიდან. დექსარისის ცხვირის სპრეის პირველად გამოყენებამდე , სპრეის ტუმბო უნდა მომზადდეს, რათა პროდუქტმა იმუშაოს სათანადოდ . ამისათვის დაიჭირეთ ფლაკონი, ცერა თითი მოათავსეთ ფლაკონის ძირზე და საჩვენებელი და შუა თითები საფრქვევის გარშემო რგოლზე . დარწმუნდით , რომ ფლაკონი ვერტიკალურ მდგომარეობაშია თვალებიდან მოშორებით . მტკიცედ და სწრაფად დააჭირეთ ფლაკონის ძირს ცერით 3- ჯერ . ტუმბო ახლა მომზადებულია და მზად არის გამოსაყენებლად . თუ თქვენ არ იყენებთ პროდუქტს 24 საათზე მეტი ხნის განმავლობაში , ტუმბო ასევე უნდა მომზადდეს სანამ არ გამოიფრქვევა წვრილი ჭავლი. 3. საჭიროების შემთხვევაში მოიხოცეთ ცხვირი ნესტოების გასაწმენდად . 4. დაიჭირეთ კონტეინერი ვერტიკალურ მდგომარეობაში . გამოიყენეთ თქვენი თითი ნესტოს დასახურად იმ მხარეს , რომელშიც არ იშვებთ პრეპარატს. თავი ოდნავ წინ დახარეთ , ჩაიდეთ სპრეის წვერი მეორე ნესტოში და მტკიცედ და სწრაფად დააჭირით ფლაკონის ძირს ცერა თითით , ხოლო „ მხარეები“ დაიჭირეთ საჩვენებელ და შუა თითებს შორის და ამავე დროს ფრთხილად შეისუნთქეთ ცხვირით . 5. გაიმეორეთ მე- 4 ეტაპი მეორე ნესტოში . 6. არ მოიხოცოთ ცხვირი შესხურებისთანავე . 7. სპრეის წვერი რეგულარულად უნდა გასუფთავდეს თბილი წყლით . 8. დაახურეთ დამცავი თავსახური. ფლაკონი უნდა იქნას გამოყენებული მხოლოდ ერთი ადამიანისთვის , წინააღმდეგ შემთხვევაში არსებობს ვირუსული ან ბაქტერიული ინფექციების გადაცემის რისკი . თუ თქვენ გამოიყენეთ საჭიროზე მეტი დექსარისი საჭიროზე მეტი პროდუქტის გამოყენების შემთხვევაში როგორ უნდა მოიქცეთ: მნიშვნელოვანია დოზის მიღება ისე , როგორც ეს აღწერილია შეფუთვაში დართულ მგამოყენების ინსტრუქციაში ან ექიმის მითითების შესაბამისად . თქვენ უნდა გამოიყენოთ ის რაოდენობა, რამდენიც დაგინიშნათ ექიმმა : მეტი ან ნაკლები პროდუქტის გამოყენებამ შეიძლება გააუარესოს თქვენი სიმპტომები . ოქსიმეტაზოლინის ჰიდროქლორიდი დექსარისი განკუთვნილია მხოლოდ ცხვირში ადგილობრივი გამოყენებისთვის და , რეკომენდებული დოზებით , ოქსიმეტაზოლინის რაოდენობა , რომელიც შედის სისტემურ მიმოქცევაში , უმნიშვნელოა . ოქსიმეტაზოლინის გადაჭარბებულმა ადგილობრივმა გამოყენებამ ან შემთხვევითმა ჩაყლაპვამ შეიძლება გამოიწვიოს შემდეგი ეფექტები : ჰიპერტენზია ( არტერიული წნევის მომატება ), ტაქიკარდია ( გულისცემის სიხშირის მო მატება ), გულის ფრიალი , გულის არითმიები ( არარეგულარული გულისცემა ), გულის გაჩერება , ოფლიანობა ( ჭარბი ოფლიანობა ), შფოთვა , აგზნება , კრუნჩხვები , მიდრიაზი ( გუგის გაფართოება ), გულისრევა , ღებინება , ციანოზი ( კანის სი ფერმკრთალე ), ცხელება , ცირკულატორული შოკი , ფილტვების შეშუპება , რესპირატორული დარღვევები , მათ შორის სუნთქვის უკმარისობა , ფსიქიკური დარღვევები, ლეთარგია , ძილიანობა , მიოზი ( გუგის კონსტრიქცია ), ჰიპოთერმია , ბრადიკარდია ( გულისცემის შენელება ), უეცარი ჰიპოტენზია ( არტერიული წნევის ვარდნა ), სუნთქვის დათრგუნვა ( ზედაპირული სუნთქვა ), სუნთქვის გაჩერება და კომა . მცირეწლოვანი ბავშვები უფრო მგრძნობიარეები არიან ტოქსიკურობის მიმართ , ვიდრე მოზრდილები . ბავშვებში ოქსიმეტაზოლინის დოზის გადაჭარბებამ შეიძლება გამოიწვიოს : კრუნჩხვები , ბრადიკარდია , კომა ან სუნთქვის დათრგუნვა, ჰიპერტენზია , რომელსაც შეიძლება მოჰყვეს ჰიპოტენზია . თუ ეჭვი გაქვთ დოზის გადაჭარბებაზე ან შემთხვევით გადაყლაპვის შემთხვევაში , დაუყოვნებლივ მიმართეთ ექიმს ან ტოქსიკოლოგიურ ცენტრს დექსამეტაზონი დექსამეტაზონის ქრონიკულმა არასწორად გამოყენებამ და დოზის გადაჭარბებამ შეიძლება გამოიწვიოს ჰიპოთალამურ - ჰიპოფიზურ - ადრენალური ღერძის დათრგუნვა და ზრდის შეფერხება ბავშვებში . შესაძლოა მიზანშეწონილად ჩაითვალოს სიმპტომური მკურნალობა . თუ დაგავიწყდათ დექსარისის გამოყენება თუ თქვენთვის საჭიროა პრეპარატის რეგულარულად მიღება და თქვენ გამოგრჩათ დოზა, ეს დოზა უნდა მიიღოთ რაც შეიძლება მალე . თუმცა , თუ მოახლოებულია თქვენი შემდეგი დოზის მიღების დრო , გამოტოვეთ გამორჩენილი დოზა და გააგრძელეთ თქვენი გრაფიკი . არ მიიღოთ ორმაგი დოზა გამოტოვებული დოზის შესავსებად. თუ თქვენ გაქვთ რაიმე დამატებითი შეკითხვები ამ პრეპარატის გამოყენებასთან დაკავშირებით , მიმართეთ თქვენს ექიმს ან ფარმაცევტს . 4. შესაძლო გვერდითი ეფექტები ყველა პრეპარატის მსგავსად , ამ პრეპარატსაც შეუძლია გამოიწვიოს გვერდითი მოვლენები , თუმცა ყველას არ გან უვითარდება ისინი . კორტიკოსტეროიდების ხანგრძლივმა გამოყენებამ რეკომენდებულზე მაღალი დოზებით შეიძლება გამოიწვიოს სისტემური სიმპტომები . ჰორმონალური პრობლემები : სხეულზე ზედმეტი თმის ზრდა ( განსაკუთრებით ქალებში ), კუნთების სისუსტე და განლევა, მეწამული სტრიები სხეულის კანზე , არტერიული წნევის მატება , არარეგულარული ან გამოტოვებული მენსტრუაცია, ორგანიზმში ცილის და კალციუმის დონეების ცვლილება , შეშუპება და წონის მომატება სხეულსა და სახეზე ( ე . წ . " კუშინგის სინდრომი ") ( იხილეთ პუნქტი 2, " გაფრთხილებები და სიფრთხილის ზომები "). აღინიშნა ზრდის შეფერხება ბავშვებში , რომლებიც იღებდნენ ინტრანაზალურ სტეროიდებს . ასევე დაფიქსირდა აქტიური ინგრედიენტების გამოყენებით გამოწვეული შემდეგი გვერდითი ეფექტები : - ჰიპერმგრძნობელობა ( რეაქციების განვითარება , როგორიცაა ანგიონევროზული შეშუპება ან კანისმხრივი რეაქციები ), შე ნიღბული ინფექცია ( ყურის , ცხვირსა და ხორხის შე ნიღბული ადგილობრივი ინფექციის ნიშნები ) - კორტიზოლის მაღალი დონე (რაც მიუთითებს ჰიპერკორტიზოლემიაზე ) - ჰალუცინაციები , უძილობა , მოუსვენრობა ( ძირითადად ბავშვებში ) - თავის ტკივილი , ძილიანობა , სედაცია , თავბრუსხვევა , დისგევზია - თვალშიდა წნევის მომატება , კატარაქტა ( თვალის ბროლის შემღვრევა ), მხედველობის დარღვევა , მხედველობის დაკარგვა . - გულის პათოლოგიური რითმი ( არითმიები ), გულის ფრიალი, სწრაფი გულისცემა ( ტაქიკარდია ) - ცხვირის ძგიდის პერფორაცია და დაწყლულება , ცხვირიდან სისხლდენა , ცხვირის შეშუპება , ცხვირში დისკომფორტი , წვისა და სიმშრალის შეგრძნება ცხვირის ან ლოყის ლორწოვანში , სურდო , ცემინება , ყელის გაღიზიანება . - კრუნჩხვები ( განსაკუთრებით ბავშვებში ) - გულისრევა - გამონაყარი , ქავილი , ჭინჭრის ციება , ოფლის სეკრეციის მომატება ( ჰიპერჰიდროზი ) - დაღლილობა - არტერიული წნევის მომატება ( ჰიპერტენზია ) გახანგრძლივებულმა ან გადაჭარბებულმა გამოყენებამ შეიძლება გამოიწვიოს ცხვირის ლორწოვანი გარსის შეგუბება ( რიკოშეტული ფენომენი ), ცხვირის ლორწოვანი გარსის ქრონიკული შეშუპება და შეიძლება გამოიწვიოს მედიკამენტოზური რინიტი ან ცხვირის ლორწოვანის ატროფია ( იხ . პუნქტი " გაფრთხილებები და სიფრთხილის ზომები "). გვერდითი ეფექტების ანგარიშგება თუ თქვენ განგივითარდებათ რაიმე გვერდითი ეფექტები, მიმართეთ თქვენს ექიმს ან ფარმაცევტს . ეს მოიცავს ნებისმიერ შესაძლო გვერდით ეფექტს , რომელიც არ არის ჩამოთვლილი ამ გამოყენების ინსტრუქციაში . გვერდითი ეფექტების შესახებ ინფორმაციის მიწოდებით თქვენ შეგიძლიათ ხელი შეუწყოთ ამ პრეპარატის უსაფრთხოების შესახებ მეტი ინფორმაციის მიწოდებას . 5. როგორ ინახება დექსარისი შეინახეთ 25°C- ზე დაბალ ტემპერატურაზე . შეინახეთ ეს პრეპარატი ბავშვებისთვის მიუწვდომელ და ფარულ ადგილზე . არ გამოიყენოთ ეს პრეპარატი ვარგისიანობის ვადის გასვლის შემდეგ , რომელიც მითითებულია კოლოფზე წარწერა EXP- ის შემდეგ . ვარგისიანობის ვადა ეხება მითითებული თვის ბოლო დღეს . არ გადააგდოთ არავითარი მედიკამენტი კანალიზაციის ან საყოფაცხოვრებო ნაგავის საშუალებით . ჰკითხეთ თქვენს ფარმაცევტს , თუ როგორ უნდა გადააგდოთ მედიკამენტები, რომლებსაც აღარ იყენებთ . ეს ზომები ხელს შეუწყობს გარემოს დაცვას . 6. შეფუთვის შემცველობა და სხვა ინფორმაცია რას შეიცავს დექსარისი - აქტიური ნივთიერებებია დექსამეტაზონის იზონიკოტინატი (0.2028 მგ / მლ ) და ოქსიმეტაზოლინის ჰიდროქლორიდი (0,5 მგ / მლ ). - სხვა ინგრედიენტებია ( დამხმარე ნივთიერებები ): ბენზალკონიუმის ქლორიდი , ბენზილის სპირტი , დინატრიუმის ფოსფატი , ნატრიუმის დიჰიდროფოსფატის დიჰიდრატი , ნატრიუმის კარმელოზა , პოლისორბატი 80, ნატრიუმის ჰიდროქსიდი / ჰიდროქლორის მჟავა , დისტილირებული წყალი . როგორ გამოიყურება დექსარისი და შეფუთვის შიგთავსი 15 მლ ქარვისფერი მინის ფლაკონი აღჭურვილია დოზირების ტუმბოთი , რომელიც აწვდის 50 მკლ 300 დოზას . გაცემის წესი: ფ არმაცევტული პროდუქტის ჯგუფი I I I , გაიცემა რეცეპტის გარეშე.